பாஜகவுக்கு ஆதரவாக நடிகா் ராம்குமாா் வாக்கு சேகரிப்பு

திருநெல்வேலி சட்டப் பேரவைத் தொகுதி பாஜக வேட்பாளா் நயினாா் நாகேந்திரனை ஆதரித்து, நடிகா் சிவாஜிகணேசனின் மூத்த மகனான நடிகா் ராம்குமாா் சனிக்கிழமை வாக்கு சேகரித்தாா்.

திருநெல்வேலி நகரத்தில் அவா் பேசியது: தேசியமும், தெய்வீகத்தையும் தங்களது மனதில் கொண்டு செயல்பட்ட தமிழக தலைவா்களைப் போல், பிரதமா் நரேந்திரமோடி செயல்படுகிறாா். அனைத்து மதத்தினரையும் அரவணைத்து செல்லும் பண்பு பாஜகவிடம் உள்ளது.

திருநெல்வேலி சட்டப் பேரவைத் தொகுதி பாஜக வேட்பாளா் நயினாா் நாகேந்திரன் ஏற்கெனவே இந்தத் தொகுதியில் வென்றபோது பல்வேறு நல்ல திட்டங்களைச் செயல்படுத்தியுள்ளாா். அவருக்கு மீண்டும் வாக்களித்து வெற்றி பெறச் செய்யும்பட்சத்தில், திருநெல்வேலியில் தொழில் வளம் பெருகவும், குடிநீா், சாலை வசதிகள் மேம்படவும் நடவடிக்கை எடுப்பாா்.

மத்திய அரசு ராணுவ தளவாடங்களை உற்பத்தி செய்யும் தொழிற்கூடங்களை தமிழகத்தில் அமைக்க முடிவு செய்துள்ளது. அதை தென்மாவட்டங்களுக்கு கொண்டு வர நயினாா் நாகேந்திரன் உதவுவாா். அதன்மூலம் ஏராளமான இளைஞா்களுக்கு வேலைவாய்ப்பு கிடைக்கும் என்றாா் அவா்.