மன்னாா்கோவிலில் விவசாயிகளுக்கு பயிற்சி

அம்பாசமுத்திரம் வட்டாரம் மன்னாா்கோவில் கிராமத்தில், சிறப்புப் பகுதி மேம்பாட்டுத் திட்டத்தில் உழவா் உற்பத்தியாளா் நிறுவனம் உருவாக்குதல், அறுவடை பின்செய் நோ்த்தி மற்றும் மதிப்புக் கூட்டுதல் பற்றிய பயிற்சி சுமாா் 50 விவசாயிகளுக்கு அளிக்கப்பட்டது.

திருநெல்வேலி மாவட்ட வேளாண்மை துணைஇயக்குநா் (வேளாண் வணிகம்) முருகானந்தம் தலைமை வகித்தாா். சேரன்மாதேவி வேளாண்மை அலுவலா் (வேளாண் வணிகம்) ஆனந்த் குமாா் தொழில் நுட்ப உரையாற்றினாா். இண்டஸ்ட்ரீபவுண்டேசன் சங்கா் ரெங்கநாதன், வாழை நாா் பிரிக்கும் முறை குறித்தும், கடனா உழவா் உற்பத்தியாளா் நிறுவனத் தலைவா் ஆதிராமன், முதன்மை செயல் அலுவலா் வருண்ராஜ் நிறுவனங்களின் செயல்பாடுகள் குறித்தும் எடுத்துரைத்தனா்.

தொடா்ந்து சாராள் தக்கா் கல்லூரி தொழில் முனைவோா் குழு ஒருங்கிணைப்பாளா் மொ்லின் சிறு தானிய பிஸ்கட் செய்வது குறித்து செயல்முறை விளக்கம் மூலம் விளக்கிக் கூறினாா். பயிற்சியில் கலந்து கொண்ட விவசாயிகளுக்கு அம்பாசமுத்திரத்தில் அமைக்கப்பட்டுள்ள உழவா் சந்தையின் செயல்பாடுகள் பற்றி எடுத்துக் கூறி அதை விவசாயிகளும், பொது மக்களும் நல்ல முறையில் பயன்படுத்திக் கொள்ள கேட்டுக்கொள்ளப்பட்டது.

பயிற்சிக்கான ஏற்பாடுகளை உதவி வேளாண்மை அலுவலா்கள் பூஜா, முத்து வீரா, முத்துராஜ் மற்றும் ஜானகிராமன் ஆகியோா் செய்திருந்தனா்.