தென்னிந்திய வாலிபால் போட்டி தொடக்கம்

திருநெல்வேலி ஷிஃபா மருத்துவமனை, திருநெல்வேலி மாவட்ட வாலிபால் சங்கம் சாா்பில் 3 நாள்கள் நடைபெறும் தென்னிந்திய அளவிலான ஆண்கள், மகளிா் வாலிபால் லீக் போட்டிகள் பாளையங்கோட்டை அண்ணா விளையாட்டு மைதானத்தில் வெள்ளிக்கிழமை தொடங்கியது.

இப்போட்டியின், தொடக்க நிகழ்ச்சிக்கு ஷிபா மருத்துவமனை நிா்வாக இயக்குநா் எம்.கே.எம்.முகம்மது ஷாபி தலைமை வகித்தாா். போட்டியை, துணை மேயா் கே.ஆா். ராஜு தொடங்கி வைத்தாா்.

ஆடவா் பிரிவில் தமிழ்நாடு காவல் துறை, சென்னை எஸ்ஆா்எம், மத்திய கலால் துறை, இந்தியன் வங்கி அணிகள் பங்கேற்றன. மகளிா் பிரிவில் கேரள காவல்துறை, சென்னை எஸ்ஆா்எம், மதுரை அமெரிக்கன் கல்லூரி, ஈரோடு பிகேஆா் கல்லூரி ஆகிய அணிகள் பங்கேற்றன.

வெள்ளிக்கிழமை நடைபெற்ற லீக் ஆட்டங்களில், ஆடவா் பிரிவில் நடைபெற்ற ஆட்டத்தில் மத்திய கலால் துறை அணியும், இந்தியன் வங்கி அணியும் மோதின. இதில், மத்திய கலால் துறை அணி 3-0 என்ற செட் கணக்கில் வெற்றிபெற்றது.

மகளிா் பிரிவில் நடைபெற்ற ஆட்டத்தில் சென்னை எஸ்ஆா்எம் அணியும், அமெரிக்கன் கல்லூரி அணியும் மோதின. இதில், சென்னை எஸ்ஆா்எம் அணி 3-2 என்ற செட் கணக்கில் வெற்றி பெற்றது. தொடா்ந்து தொடா்ந்து லீக் போட்டிகள் சனி, ஞாயிறு ஆகிய இரண்டு நாள்கள் நடைபெறவுள்ளது.