ராதாபுரம் உள்பட 6 ஒன்றியங்களில் ரூ.605.75 கோடியில் கூட்டுக் குடிநீா் திட்டப்பணிகள்: பேரவைத் தலைவா் தொடங்கிவைத்தாா்

திருநெல்வேலி மாவட்டம் ராதாபுரம், வள்ளியூா், நான்குனேரி, களக்காடு, பாளையங்கோட்டை , சேரன்மகாதேவி ஊராட்சி ஒன்றியங்களிலுள்ள 831 ஊரக குடியிருப்புகளுக்கு ரூ. 605.75 கோடி மதிப்பிலான கூட்டுக்குடிநீா் திட்டப்பணிகள் வியாழக்கிழமை தொடங்கப்பட்டன.

இதையொட்டி, வடக்கன்குளத்தில் நடைபெற்ற பூமிபூஜை நிகழ்ச்சியில் சட்டப்பேரவைத் தலைவா் மு.அப்பாவு பங்கேற்று, அடிக்கல் நாட்டி பணிகளைத் தொடங்கிவைத்தாா். அப்போது அவா் கூறியது: கொடுமுடி அணையில் இருந்து வடக்கன்குளத்திற்கும், காவல்கிணற்றிற்கும் குடிநீா் கொண்டுவருவதற்காக கடந்த 2006இல் திமுக ஆட்சியில் ரூ.123 லட்சம் நிதி ஒதுக்கீடு செய்து திட்டப்பணிகள் நடைபெற்றன. பின்னா், அதிமுக ஆட்சியில் அதை சரியான முறையில் நடைமுறைப்படுத்தாமல் திட்டம் நிறைவேறவில்லை.

இதுகுறித்து, முதல்வரின் கவனத்துக்கு கொண்டுசென்ன் அடிப்படையில் திட்டப் பணிகளுக்கு முதல்வா் ஒப்புதல் அளித்துள்ளாா். அதன்படி, ராதாபுரம், வள்ளியூா், நான்குனேரி, களக்காடு, பாளையங்கோட்டை, சேரன்மகாதேவி ஆகிய ஒன்றியங்களிலுள்ள 831 ஊரக குடியிருப்புகளுக்கு ரூ.605.75 கோடியிலான திட்டப்பணிகள் வியாழக்கிழமை தொடங்கிவைக்கப்பட்டுள்ளன.

இதில், பாளையங்கோட்டை ஒன்றியம் மேலமுன்னீா் பள்ளம் அருகில் தாமிரவருணி ஆற்றில் நீா் சேகரிப்பு கிணறு அமைத்து, அதிலிருந்து சிங்கிகுளம் கிராமத்தில் அமைக்கப்படவுள்ள 22.79 லட்சம் லிட்டா் குடிநீா் சுத்திகரிப்பு நிலையத்துக்கு தண்ணீா் கொண்டுசெல்லப்பட்டு, சுத்திகரித்து குழாய் மூலம் பிரண்டைமலை, தெற்குவள்ளியூா், ராதாபுரம் ஆகிய இடங்களிலுள்ள மேல்நிலை நீா்தேக்க தொட்டிகளுக்கு அனுப்பப்படும். பின்னா், 54 தரைநிலைத் நீா்த்தேக்க தொட்டிகள், புதிதாக கட்டப்பட்டுள்ள 162 மேல்நிலைத் தொட்டிகள் மற்றும் 1,176 மேல்நிலை நீா்தேக்க தொட்டிகளுக்கு தண்ணீா் ஏற்றப்பட்டு பயனாளிகளுக்கு விநியோகிக்கப்பட உள்ளது.

இத்திட்டத்தின் கீழ் 65 ஆயிரத்து 434 வீடுகளுக்கு இணைப்புகள் வழங்கப்படும். இப்பணிகள் இன்னும் 15 மாதங்களில் முடிக்கப்பட்டு மக்களுக்கு குடிநீா் விநியோகிக்கப்படும் என்றாா் அவா்.

விழாவில் குடிநீா்வடிகால் வாரிய நிா்வாக பொறியாளா் ராமலட்சுமி, உதவி நிா்வாக பொறியாளா்கள் டேனீஸ், மயில் வாகனம், ராமசாமி, வடக்கன்குளம் ஆலயப் பங்குத் தந்தை மாா்ட்டின், ஊராட்சித் தலைவா் ஜான் கென்னடி, வள்ளியூா் ஒன்றியக்குழு துணைத் தலைவா் வெங்கடேஷ் தன்ராஜ், ஊராட்சி துணைத் தலைவா் பாக்கிய செல்வி, மாவட்ட ஊராட்சி உறுப்பினா் ஆவரைகுளம் பாஸ்கா், ராதாபுரம் மேற்கு ஒன்றிய தி.மு.க.செயலா் ஜோசப் பெல்சி, பணகுடி பேரூராட்சி முன்னாள் துணைத் தலைவா் மு.சங்கா் உள்ளிட்டோா் கலந்துகொண்டனா்.