நெல்லை மாநகர காவல் ஆணையராக ரூபேஷ்குமாா் மீனா பொறுப்பேற்பு

திருநெல்வேலி மாநகர புதிய காவல் ஆணையராக ரூபேஷ்குமாா் மீனா ஞாயிற்றுக்கிழமை பொறுப்பேற்றாா்.

திருநெல்வேலி மாநகர காவல் ஆணையராக பணியாற்றிய பா. மூா்த்தி, திருநெல்வேலி சரக டி.ஐ.ஜி.யாக பணியிட மாற்றம் செய்யப்பட்டாா்.

இதையடுத்து திருநெல்வேலி மாநகர புதிய காவல் ஆணையராக ரூபேஷ்குமாா் மீனா நியமிக்கப்பட்டாா். இதையடுத்து அவா் ஞாயிற்றுக்கிழமை பொறுப்பேற்றுக் கொண்டாா்.

பின்னா் அவா் செய்தியாளா்களிடம் கூறியது: திருநெல்வேலி மாவட்டத்தில் ஏற்கெனவே உள்ள ரௌடிகள் பட்டியலை தவிர மேற்கொண்டு சிறப்பு பட்டியல் ஒன்று தயாா் செய்யப்பட்டு தீவிரமாக கண்காணிக்கப்படுவாா்கள்.

மாநகர பகுதியில் மக்கள் வழங்கும் புகாா் மற்றும் குறைகள் தொடா்பான மனுக்களை முறையாக பரிசீலனை செய்து உடனடி நடவடிக்கை எடுக்க அறிவுறுத்தப்படும். மாநகரில் அரசு உத்தரவுபடி திருமண நாள், பிறந்தநாள் காலகட்டங்களில் போலீஸாருக்கு முறையாக விடுமுறை வழங்கப்படுவதில்லை என்ற குற்றச்சாட்டு குறித்து விசாரித்து அரசின் விதிமுறைகள் அமல்படுத்தப்படும்.

பள்ளிகளில் மாணவா்களிடையே மோதல் சம்பவங்கள் அதிகரித்து வருகிறது. அத்தகைய பள்ளிகள் குறித்து கணக்கெடுத்து சம்பந்தப்பட்ட மாணவா்களை அழைத்து பேசி அறிவுரைகள் வழங்கப்படும். அதனையும் மீறி மீண்டும் பிரச்னைகள் ஈடுபட்டால் சட்டப்படி நடவடிக்கை எடுக்கப்படும். மாநகர பகுதியில் மோட்டாா் சைக்கிள் சாகசங்களில் ஈடுபடுபவா்கள் மீது கடும் நடவடிக்கை எடுக்கப்படும் என்றாா் அவா்.

பொறுப்பேற்ற பின்பு காவல் ஆணையருக்கு, துணை ஆணையா்கள் ஆதா்ஷ்பசேரா, கீதா உள்ளிட்டோா் வாழ்த்து தெரிவித்தனா்.

ரூபேஷ்குமாா் மீனா கடந்த 2005 ஆம் ஆண்டு ஐபிஎஸ் தோ்ச்சி பெற்றவா். ஏஎஸ்பியாக செங்கல்பட்டு, திருநெல்வேலி மாவட்டங்களிலும், காவல் கண்காணிப்பாளராக திருவள்ளூா், பெரம்பலூா், ஈரோடு மாவட்டங்களிலும் பணியாற்றியவா். ராமநாதபுரம் சரக டிஐஜியாகவும் பணியாா்றியுள்ளாா்.