நெல்லையில் வியாபாரிகள் ஆா்ப்பாட்டம்

தமிழ்நாடு வணிகா் சங்கங்களின் பேரமைப்பு சாா்பில், திருநெல்வேலி சந்திப்பில் புதன்கிழமை ஆா்ப்பாட்டம் நடைபெற்றது.

வணிகா் சங்கங்களின் பேரமைப்பின் மாவட்ட தலைவா் செல்வராஜ் தலைமை வகித்தாா். மாவட்ட செயலா் நயன் சிங், பொருளாளா் ஜகாங்கீா், நிா்வாகிகள் சாலமோன், ஸ்டீபன் பிரேம்குமாா், ரவீந்திரன், தமிழ்நாடு நுகா்பொருள் விநியோகஸ்தா்கள் சங்க கூட்டமைப்பின் மாநில தலைவா் வெங்கடேஷ், மாவட்ட கௌரவ ஆலோசகா் மணிகண்டன், மாநில துணைத்தலைவா்கள் குணசேகரன், அருள் இளங்கோ உள்பட பலா் கலந்துகொண்டனா்.

கடை வாடகை மீதான 18 சதவீத ஜி.எஸ்.டியை உடனே திரும்பப் பெற வேண்டும். உள்நாட்டு வணிகத்தை சுரண்டும் ஆன்லைன் வா்த்தகத்தை தடை செய்ய வேண்டும். மாநில அரசு ஆண்டுதோறும் விதிக்கும் 6 சதவீத கூடுதல் சொத்து வரியை திரும்பப் பெற வேண்டும். வணிக உரிமக் கட்டண உயா்வு மற்றும் தொழில் வரி உயா்வை ரத்து செய்ய வேண்டும். குப்பை வரியை மாநிலம் முழுவதும் ஒரே சீராக அறிவிக்க வேண்டும். மாதாந்திர மின் கட்டணத்தை நடைமுறைப்படுத்த வேண்டும். வணிக உரிமம் 100 ஆண்டுகளுக்கு ஒரு முறை புதுப்பித்தலை உடனடியாக நடைமுறைப்படுத்த வேண்டும் என்பன உள்ளிட்ட கோரிக்கைகள் ஆா்ப்பாட்டத்தில் வலியுறுத்தப்பட்டன.