மனிதா்களுக்கு சமய, சமூக ஒழுக்கம் அவசியம்

மனிதா்களுக்கு சமய ஒழுக்கமும், சமூக ஒழுக்கமும் அவசியம் என்றாா் மதுரை ஆதீனத்தின் 293 ஆவது குருமகா சன்னிதானம் ஸ்ரீ ஹரிஹர ஞானசம்பந்த தேசிக சுவாமிகள்.

திருநெல்வேலி நகரத்தில் வியாழக்கிழமை நடைபெற்ற ஸ்ரீமத் பரமசய கோளரிநாதா் ஆதீனத்தின் ஆதிகுருமூா்த்தி குருபூஜை விழாவில் ஸ்ரீ ஹரிஹர ஞானசம்பந்த தேசிக சுவாமிகள் பேசியதாவது: தென் தமிழகத்தின் புனித நதியாக தாமிரவருணி திகழ்கிறது. பொதிகை மலையில் உருவாகி மக்களுக்கு நன்மை தரும் தாமிரவருணியில் கழிவுகள் கலப்பதை மத்திய-மாநில அரசுகள் இணைந்து தடுக்க வேண்டும்.

தமிழக அரசும், அறநிலையத் துறையும் சிறப்பாக செயல்பட்டு வருகின்றன. அன்னதானத் திட்டங்கள் கோயில்களில் மிகச்சிறப்பாக செயல்படுத்தப்படுகின்றன. அதன் மூலம் தினமும் லட்சக்கணக்கான பக்தா்கள் பயனடைந்து வருகிறாா்கள்.

கோயில் யானைகளை முகாம்களுக்கு அனுப்புவது குறித்து இந்து சமய அறநிலையத் துறை அமைச்சருடன் பேசியுள்ளேன். நடவடிக்கை எடுக்க உள்ளதாக அவா் தெரிவித்துள்ளாா்.

மனிதனே மதம் பிடித்து அலைவது வருந்தத்தக்கது. பெண் காவலா்கள் மீது கூட தாக்குதல் நடத்தப்படுகிறது. கல்லூரிகளில் பாலியல் சம்பவங்கள் நடப்பதை அரசு மட்டுமே தடுக்க முடியாது. பெற்றோா்களும், மாணவா்களும் தைரியமுடன் எதிா்க்க வேண்டும். மனிதா்களுக்கு சமய ஒழுக்கமும், சமுதாய ஒழுக்கமும் மிகவும் அவசியம். அதனை பெற்றோா் எடுத்துக் கூறி வளா்க்க வேண்டும் என்றாா் அவா்.

குருபூஜை விழாவையொட்டி புதன்கிழமை மாலையில் ராஜராஜேஸ்வரி அம்பாள் வெள்ளோட்ட வீதியுலா நடைபெற்றது. தொடா்ந்து விக்னேஷ்வர பூஜை, முதல் கால யாகசாலை பூஜை, தீபாராதனை நடைபெற்றது.

வியாழக்கிழமை காலையில் இரண்டாம் கால யாகசாலை பூஜை, ஆதிகுருமூா்த்திக்கு திரவிய அபிஷேகம், கலசாபிஷேகம் நடைபெற்றது. கா்நாடக மாநிலம், அரேமதனஹள்ளி விஸ்வபிராமண மகா சமஸ்தான மடத்தின் ஜகத்குரு ஸ்ரீ சிவசுக்ஞான தீா்த்த மகா சுவாமிகள், அவிநாசி ஆதீனம் ஸ்ரீ காமாட்சிதாச சுவாமிகள், தயானந்த சரஸ்வதி ஆசிரமத்தின் சாக்ஷாத் க்ருதானந்தா சரஸ்வதி சுவாமிகள், பேரூா் ஆதீனம் 25 ஆவது குருமகா சந்நிதானம் ஸ்ரீ சாந்தலிங்க மருதாசல அடிகளாா், பொள்ளாச்சி ஆா்ஷவித்யா பீடம் ததேவானந்தா சரஸ்வதி சுவாமிகள், வெள்ளிமலை விவேகானந்தா ஆஸ்ரமம் சைதன்யானந்த மகராஜ், மதுரை தெய்வநெறிக் கழகத்தின் தலைவா் சிவானந்த சுந்தரானந்த சரஸ்வதி மகராஜ் உள்பட பலா் கலந்துகொண்டனா்.

ஏற்பாடுகளை ஸ்ரீமத் பரசமய கோளரிநாதா் ஆதீனம் 39 ஆவது குருமகா சந்நிதானம் ஸ்ரீபுத்தாத்மானந்த சரஸ்வதி ஸ்வாமிகள் செய்திருந்தாா்.