நெல்லையில் சாலை மறியல்: போக்குவரத்து ஊழியா்கள் 300 போ் கைது

பல்வேறு கோரிக்கைகளை வலியுறுத்தி, திருநெல்வேலி சந்திப்பில் புதன்கிழமை சாலை மறியலில் ஈடுபட முயன்ற 300-க்கும் மேற்பட்ட போக்குவரத்து தொழிலாளா்கள் கைது செய்யப்பட்டனா்.

ஊதிய ஒப்பந்தம் முடிந்து ஓராண்டுக்கும் மேலாகிவிட்டதால் ஒப்பந்தத்தை பேசி முடிக்க நடவடிக்கை எடுத்தல், 21 மாதங்களாக ஓய்வுபெற்றவா்களுக்கு வழங்கப்படாத பண பலன்களை வழங்குதல் அகவிலைப்படியை உயா்த்துதல், மருத்துவ காப்பீடு மற்றும் பழைய ஓய்வூதிய திட்டத்தை அமல்படுத்துதல், அரசு போக்குவரத்து கழகத்திற்கு ரூ.7500 கோடி கடன் உள்ள சூழ்நிலையில் வெறும் ரூ. 1500 கோடி மட்டுமே வழங்கப்பட்டுள்ளது. எனவே மீதமுள்ள தொகையையும் வழங்கி அரசு போக்குவரத்து கழகத்தைக் காப்பாற்றுதல் என்பன உள்ளிட்ட கோரிக்கைகளை வலியுறுத்தி, சாலை மறியல் செய்ய திரண்டனா்.

சிஐடியு அரசு போக்குவரத்து கழக பொதுச்செயலா் ஜோதி, உதவி பொதுச் செயலா் சுதா்சிங், ஓய்வுபெற்றோா் நல அமைப்பு திருநெல்வேலி மாவட்டத் தலைவா் தாணுமூா்த்தி, செயலா் வெங்கடாசலம் ஆகியோா் தலைமை வகித்தனா்.

மாா்க்சிஸ்ட் கம்யூனிஸ்ட் மாவட்டச் செயலா் ஸ்ரீராம், சிஐடியூ மாவட்டச் செயலா் முருகன் ஆகியோா் போராட்டத்தை தொடங்கி வைத்தனா். சிஐடியூ மாநிக்ல குழு உறுப்பினா் மோகன், அரசு போக்குவரத்து கழக ஓய்வுபெற்றோா் நல அமைப்பு பெருமாள், அரசு போக்குவரத்து கழக மண்டலத் தலைவா் காமராஜ், உதவித் தலைவா் வன்னிய பெருமாள், விரைவு போக்குவரத்து கழக உதவித் தலைவா் அருண், ஓய்வுபெற்றோா் நல அமைப்பு உதவித் தலைவா் ராமையா பாண்டியன் திருநெல்வேலி மாவட்டத் தலைவா் சேதுராமலிங்கம் உள்ளிட்டோா் பங்கேற்றனா்.

சாலை மறியலுக்கு முயன்ற அவா்களை போலீஸாா் கைது செய்தனா். மொத்தம் 300 போ் கைது செய்யப்பட்டனா்.