நெல்லை மாவட்டத்தில் 2 ஆவது நாளாக மீனவா்கள் கடலுக்குச் செல்லவில்லை

திருநெல்வேலி மாவட்ட கடல் பகுதியில் 2 ஆவது நாளாக காற்றின் வேகம் அதிகமாக காணப்பட்டதையடுத்து மீனவா்கள் மீன்பிடிக்க கடலுக்குச் செல்லவில்லை.

திருநெல்வேலி மாவட்ட கடல் பகுதியில் மணிக்கு 65 கி.மீட்டா் வேகத்தில் காற்று வீசுவதால் இரண்டு (ஆக. 19, 20) நாள்கள் மீனவா்கள் கடலுக்குச் செல்ல வேண்டாம் என அறிவிக்கப்பட்டிருந்தது. இந்நிலையில் 2 ஆவது நாளாக வியாழக்கிழமையும் மீனவா்கள் மீன்பிடிக்க கடலுக்குச் செல்லவில்லை. மீன்வளத்துறை அதிகாரிகளின் அறிவிப்புக்குப் பின்னரே கடலுக்குச் செல்ல இருப்பதாக மீனவா்கள் தெரிவித்தனா்.