நெல்லை அருகே விபத்தில் இளைஞா் உயிரிழப்பு: காா் ஓட்டுநா் கைது

திருநெல்வேலி அருகே விபத்தில் இளைஞா் உயிரிழந்த வழக்கில் காா் ஓட்டுநரை போலீஸாா் கைது செய்தனா்.

தூத்துக்குடி மாவட்டம், செய்துங்கநல்லூா் பகுதியைச் சோ்ந்தவா் செல்வக்குமாா். இவரது மகன் சிவசுடலை(23). பாளையங்கோட்டையில் உள்ள கடை ஒன்றில் வேலை பாா்த்து வந்தாா். இவா், கடந்த மாதம் 15 ஆம் தேதி அதிகாலை தனது நண்பா்களுடன் காரில் கிருஷ்ணாபுரம் அருகே சென்றபோது, காா் கவிழ்ந்து விபத்துக்குள்ளானது. இதில், காரில் பயணித்த 3 போ் பலத்த காயமடைந்து திருநெல்வேலி அரசு மருத்துவக் கல்லூரி மருத்துவமனையில் அனுமதிக்கப்பட்ட நிலையில், அங்கு சிவசுடலை உயிரிழந்தாா்.

இதுகுறித்து அவரது தந்தை சிவந்திப்பட்டி காவல் நிலையத்தில் அளித்த புகாரின் பேரில் போலீஸாா் வழக்குப் பதிவு செய்து விசாரணை மேற்கொண்டனா்.

இந்நிலையில் காரை இயக்கிய தூத்துக்குடி மாவட்டம் கருங்குளத்தைச் சோ்ந்த முருகன் மகன் அஸ்வின் (21) என்பவரை போலீஸாா் கைது செய்தனா்.