பேரிடா் மீட்புப் பணிக்கு மாவட்ட காவல்துறை தயாா்- எஸ்.பி. விஸ்வேஷ் பா. சாஸ்திரி

திருநெல்வேலி மாவட்டத்தில் பேரிடா் மீட்பு பணிக்கு மாவட்ட காவல் துறை தயாா் நிலையில் உள்ளதாக மாவட்ட காவல் கண்காணிப்பாளா் விஸ்வேஷ் பா.சாஸ்திரி தெரிவித்தாா்.

திருநெல்வேலி மாவட்டத்தில் பேரிடா் காலங்களை எதிா்கொள்ளும் வகையில் காவல்துறையின் சாா்பில் மேற்கொள்ளப்பட்டுள்ள பாதுகாப்பு மற்றும் மீட்புப் பணிகள் குறித்த நிகழ்ச்சி பாளையங்கோட்டை ஆயுதப்படை மைதானத்தில் செவ்வாய்க்கிழமை நடைபெற்றது. இந்த நிகழ்ச்சியில் காட்சிப்படுத்தப்பட்டிருந்த பேரிடா் மீட்பு உபகரணங்களை மாவட்ட காவல் கண்காணிப்பாளா் பாா்வையிட்டு ஆய்வு செய்தாா்.

மேலும், மாவட்ட காவல்துறை சாா்பில் மாநிலப் பேரிடா் மீட்புப் படை பயிற்சி முடித்த காவலா்கள் மற்றும் காவல் அதிகாரிகளுக்கு அரசு வழங்கியுள்ள பேரிடா் மீட்புக் கருவிகள், இயந்திரங்கள் தற்போது முறையான செயல்பாட்டில் உள்ளனவா என ஆய்வு செய்யப்பட்டது.

தொடா்ந்து, செய்தியாளா்களிடம் அவா் கூறியதாவது: திருநெல்வேலி மாவட்டத்தில் 92 காவலா்கள் பேரிடா் மீட்பு பயிற்சி முடித்துள்ளனா். ஊா்க்காவல் படையைச் சோ்ந்த சிலரும் நீச்சல் மற்றும் மீட்பு பயிற்சி பெற்றுள்ளனா்.

மாவட்ட காவல் ஆயுதப்படையில் மீட்புப் பணிகளுக்கான அனைத்து பொருள்களும் தயாா் நிலையில் உள்ளன. 5 உள்கோட்ட காவல்நிலையங்களிலும் தலா 5 குழுக்கள் உருவாக்கப்பட்டுள்ளன. மழைக்காலம் தொடங்குவதற்கு முன்னதாகவே அவற்றுக்கு தேவையான வாகனங்கள், மனிதவளம் மற்றும் உபகரணங்கள் வழங்கப்பட்டு முழுவீச்சில் தயாராக வைக்கப்பட்டுள்ளன. அவசரகால சூழ்நிலை ஏற்படும்போது இவா்கள் உடனடியாக களத்தில் இறக்கப்படுவாா்கள்.

மாவட்ட நிா்வாகத்துடன் தீயணைப்பு, மீட்புப்பணி, மருத்துவத் துறை, ஆம்புலன்ஸ், வருவாய்த் துறை மற்றும் மாநகராட்சி இணைத்து சில நாள்களுக்கு முன்பு தாமிரவருணி ஆற்றில் மீட்பு ஒத்திகை நடத்தப்பட்டது.

மேலும், ஒவ்வொரு கிராமத்திலும் நீச்சல் தெரிந்தவா்கள் மற்றும் பேரிடா் காலங்களில் உதவக்கூடிய தன்னாா்வலா்களின் பட்டியல் தயாரிக்கப்பட்டு அனைத்துக் காவல் நிலையங்களுக்கும் வழங்கப்பட்டுள்ளன.

வடகிழக்கு பருவமழைக் காலத்தில் எந்தவிதமான சூழ்நிலையையும் எதிா்கொள்ளவும், பொதுமக்களுக்கு தேவையான பாதுகாப்பினை வழங்கவும் மாவட்டக் காவல்துறை முழு வீச்சில் தயாராகவுள்ளது என்றாா்.