தூத்துக்குடியில் 3 ஆயிரம் கிலோ ரேஷன் அரிசி பறிமுதல்

தூத்துக்குடியில் இருந்து கேரளத்துக்கு கடந்த முயன்ற 3 ஆயிரம் கிலோ ரேஷன் அரிசியை போலீஸார் திங்கள்கிழமை பறிமுதல் செய்தனர்.

தூத்துக்குடி தாளமுத்து நகர் அருகேயுள்ள ராஜபாளையம் கடற்கரைப் பகுதியில் சிலர் ரேஷன் அரிசி கடத்துவதாக தாளமுத்துநகர் காவல் நிலையத்துக்கு தகவல் கிடைத்தது. இதையடுத்து, ரோந்து போலீஸார் அங்கு சென்று விசாரணை மேற்கொண்டனர். அப்போது, சிலர் ஒரு சுமை ஆட்டோவில் இருந்து, அரிசி மூட்டைகளை லாரியில் ஏற்றிக் கொண்டிருந்தனர். போலீஸாரைக் கண்டதும் அவர்கள் தப்பியோடிவிட்டனர். அங்கு போலீஸார் மேற்கொண்ட சோதனையில், 50 கிலோ எடை கொண்ட 60 மூட்டை ரேஷன் அரிசி இருப்பது தெரியவந்தது. இதையடுத்து, அரிசி மற்றும் லாரி, சுமை ஆட்டோ ஆகியவற்றை போலீஸார் பறிமுதல் செய்து உணவுக் கடத்தல் தடுப்பு பிரிவு போலீஸாரிடம் ஒப்படைத்தனர். மேலும், இதுதொடர்பாக கேரள மாநிலம் எரிமேலி பகுதியைச் சேர்ந்த லாரி ஓட்டுநர் சசிகுமாரை கைது செய்தனர்.