கயத்தாறு அருகே லாரி - பைக் மோதல்: இருவர் சாவு

தூத்துக்குடி மாவட்டம்,  கயத்தாறு அருகே ஞாயிற்றுக்கிழமை லாரி - பைக் மோதிய விபத்தில் இருவர் சம்பவ இடத்திலேயே இறந்தனர்.
திருநெல்வேலியிலிருந்து கோவில்பட்டி நோக்கி சென்று கொண்டிருந்த டிப்பர் லாரி கயத்தாறையடுத்த வடக்கு இலந்தைகுளம் விலக்கு அருகே திரும்பும் போது,  திருநெல்வேலியிலிருந்து கோவில்பட்டி நோக்கி சென்று கொண்டிருந்த பைக்கும் - டிப்பர் லாரியும் மோதியதில் பைக்கில் வந்த காரியாப்பட்டி சுகாதாரப் பணியாளர் குடியிருப்பு 3ஆவது தெருவைச் சேர்ந்த ராஜவேல் மகன் ராஜசேகர்(25)  மற்றும்  விருதுநகர் புல்லாலக்கோட்டை சாலையைச் சேர்ந்த வெள்ளைச்சாமி மகன் கருணாகரன்(27) ஆகிய இருவரும் சம்பவ இடத்திலேயே உயிரிழந்தனர். 
தகவலறிந்தவுடன் சம்பவ இடத்துக்கு டி.எஸ்.பி. ஜெபராஜ் மற்றும் கயத்தாறு காவல் ஆய்வாளர் ஆவுடையப்பன் ஆகியோர் சென்று பார்வையிட்டு விசாரணை நடத்தினர். மேலும், சடலங்களை கைப்பற்றி பிரேத பரிசோதனைக்கு திருநெல்வேலி அரசு மருத்துவக் கல்லூரி மருத்துவமனைக்கு அனுப்பி வைத்தனர். இதுகுறித்து கயத்தாறு போலீஸார் வழக்குப் பதிந்து,  லாரி ஓட்டுநர் வடக்கு இலந்தைகுளம் தெற்கு தெருவைச் சேர்ந்த மு.ஈஸ்வரனை (40) கைது செய்தனர்.