திமுக சார்பில் ஏரலில் நாளை பாடல் ஒப்பித்தல் போட்டி

தமிழக முன்னாள் முதல்வர் அண்ணாவின் 110ஆவது பிறந்த தினத்தையொட்டி, திமுக சார்பில்  பாரதிதாசன் பாடல் ஒப்பித்தல் போட்டி, ஏரலில் இம்மாதம் 18ஆம் தேதி நடைபெறுகிறது. 
திமுகவின் முரசொலி அறக்கட்டளை ஏற்றுநடத்தும் இப்போட்டிகளில் பள்ளி, கல்லூரி மாணவர்கள் பங்கேற்கின்றனர். 
முதற்கட்டமாக மாவட்டம் முழுவதும் போட்டிகள் நடக்கின்றன. அதன்படி, தூத்துக்குடி தெற்கு மாவட்ட தி.மு.க.வும், இலக்கிய அணியும் இணைந்து சனிக்கிழமை (ஆக. 18) காலை 9 மணிக்கு ஏரல் ஜெ.ஜெ. திருமண மண்டபத்தில் போட்டி நடைபெறும்.
இதில், திருச்செந்தூர், ஸ்ரீவைகுண்டம், ஓட்டப்பிடாரம் ஆகிய சட்டப்பேரவை தொகுதிக்குள்பட்ட பள்ளி, கல்லூரி மாணவர்கள் பங்கேற்கலாம். வெற்றி பெறுவோருக்கு முதல் பரிசாக  ரூ.5,000, இரண்டாம் பரிசாக  ரூ. 3,000, மூன்றாம் பரிசாக  ரூ. 2,000, ஆறுதல் பரிசாக 5 பேருக்கு தலா ரூ. 1500 வழங்கப்படும். போட்டிகளில் பங்கேற்கும் அனைவருக்கும் பரிசுப்பொருள் வழங்கப்படும். 
எனவே, மாணவர்கள் பங்கேற்று தங்கள் திறமையை வெளிப்படுத்த வேண்டும் என தூத்துக்குடி தெற்கு மாவட்ட தி.மு.க. பொறுப்பாளர் அனிதா ஆர்.ராதாகிருஷ்ணன் எம்.எல்.ஏ.  அறிக்கையில் கேட்டுக்கொண்டுள்ளார்.