தேசிய செஸ் போட்டி: திருச்செந்தூர் காஞ்சி ஸ்ரீ சங்கரா பள்ளி மாணவர் இரண்டாமிடம்

தேசிய அளவிலான செஸ் போட்டியில் திருச்செந்தூர் பள்ளி மாணவர் இரண்டாமிடம் வென்று வெள்ளிப் பதக்கம் பெற்றார்.
இந்திய விளையாட்டு குழுமம் நடத்திய தேசிய அளவிலான செஸ் போட்டி ஆந்திர மாநிலம், மேற்கு கோதாவரியில் நடைபெற்றது. இப்போட்டியில், தமிழ்நாடு அணிக்காக காஞ்சி ஸ்ரீ சங்கரா பள்ளி மாணவர் ஜா. சக்திவிஷால் பங்கேற்றார். இதில், தமிழ்நாடு அணி இரண்டாம் இடம் பெற்று மாணவர் ஜா. சக்திவிஷால் வெள்ளிப் பதக்கம் பெற்றார்.
வெற்றி பெற்ற மாணவரை பள்ளித் தாளாளர் மருத்துவர் அ. ராமமூர்த்தி, முதல்வர் இரா. செல்வவைஷ்ணவி ராஜன், மேலாளர் கிஷோர் பாபு, ஒருங்கிணைப்பாளர் ஜீனத், உடற்கல்வி ஆசிரியர்கள் சண்முகசுந்தரம், பாலசுப்பிரமணியன், முத்துசெல்வம், சோபனா, மருபி எப்ஸி மற்றும் ஆசிரியர்கள், பெற்றோர்கள் பாராட்டினர்.