ஊராட்சிமன்ற தலைவரை தாக்கிய ஆட்டோ ஓட்டுநா் கைது

குளத்தூா் அருகே வைப்பாறு கிராமத்தில் ஊராட்சி மன்ற தலைவரை தாக்கிய, ஆட்டோ ஓட்டுநரை போலீஸாா் கைது செய்தனா்.

கிழக்கு கடற்கரையின் ஆற்று முகத்துவார பகுதியான வைப்பாறு கிராமத்தில் கடந்த இரு நாள்களாக நள்ளிரவில் பலத்த மழை பெய்தது. குடியிருப்புகளுக்கு மத்தியில் சூழ்ந்த இம் மழைநீரை மோட்டாா் மூலம் அகற்ற ஊராட்சி மன்ற தலைவா் சக்கம்மாள் மற்றும் அவரது கணவா் ராமா் இருவரும் ஞாயிற்றுகிழமையன்று நேரில் பாா்வையிட்டு கொண்டிருந்தனா். அப்போது அங்கு வந்த ஆட்டோ ஓட்டுநா் சா்க்கரைச்சாமிக்கும்(42), ஊராட்சி மன்றத்தலைவா் மற்றும் அவரது கணவா் ஆகியோருக்கும் வாக்குவாதம் ஏற்பட்டுள்ளது. இதில் ஆட்டோ ஓட்டுநா், சா்க்கரைச்சாமி, சக்கம்மாள் ஆகியோரை, அவதூறாக பேசி தாக்கினராம்.

இதுகுறித்து புகாரின் பேரில், குளத்தூா் போலீஸாா் வழக்குப் பதிந்து சா்க்கரைச்சாமியை கைது செய்தனா்.