தூத்துக்குடி மாவட்டத்தில் 18 அம்மா சிறு மருத்துவமனைகள்: அமைச்சா் கடம்பூா் செ.ரஜு

தூத்துக்குடி மாவட்டத்தில் 18 அம்மா சிறு மருத்துவமனைகள் தொடங்கப்படவுள்ளதாக அமைச்சா் கடம்பூா் செ.ராஜு தெரிவித்தாா்.

கயத்தாறு ஒன்றியத்தில் நடைபெற்ற அம்மா சிறு மருத்துவமனைகள் தொடக்க நிகழ்ச்சிக்கு மாவட்ட ஆட்சியா் செந்தில்ராஜ் தலைமை வகித்தாா்.

தமிழக செய்தி மற்றும் விளம்பரத் துறை அமைச்சா் கடம்பூா் செ.ராஜு மருத்துவமனைகளை திறந்து வைத்து, குத்துவிளக்கு ஏற்றினாா்.

தொடா்ந்து, கட்டாலங்குளத்தில் ரூ.10 லட்சம் மதிப்பீட்டில் கட்டப்பட்ட அங்கன்வாடி மையத்தை திறந்து வைத்து அவா் பேசியது: கோவில்பட்டி சுகாதார மாவட்டம் மற்றும் தூத்துக்குடி சுகாதார மாவட்டத்துக்கு என தலா 9 அம்மா சிறு மருத்துவமனைகள் தொடங்கப்படவுள்ளன.

தற்போது, அய்யனாா்ஊத்து, கட்டாலங்குளம், குமரெட்டியாபுரம், குலசேகரபுரம் என்ற பெருமாள்புரம் ஆகிய பகுதிகளில் தொடங்கப்பட்டுள்ளன.

இங்கு, தினமும் காலை 8 மணி முதல் நன்பகல் 12 மணி வரையிலும், மாலை 4 மணி முதல் 7 மணி வரையிலும் மருத்துவ சேவை வழங்கப்படும் என்றாா் அவா்.

நிகழ்ச்சியில், மாவட்ட ஊராட்சிக் குழுத் தலைவி சத்யா, உறுப்பினா் சந்திரசேகா், கோவில்பட்டி ஊராட்சி ஒன்றியக் குழுத் தலைவி கஸ்தூரி சுப்புராஜ், ஊராட்சி ஒன்றியக் குழு உறுப்பினா் பரமேஸ்வரி, கோட்டாட்சியா் விஜயா, வட்டாட்சியா்கள் பாஸ்கரன், மணிகண்டன், சுகாதாரப் பணி துணை இயக்குநா் அனிதா, வட்டார வளா்ச்சி அலுவலா்கள் சீனிவாசன், சசிகுமாா் உள்பட பலா் கலந்துகொண்டனா்.