சாத்தான்குளம் பகுதியில் முருங்கையில் அழுகல் நோய் தாக்கம்

சாத்தான்குளம் பகுதியில் முருங்கையில் அழுகல் நோய் தாக்கம் ஏற்பட்டு வருவதால் விவசாயிகள் கவலை அடைந்துள்ளனா்.

சாத்தான்குளம், தட்டாா்மடம் பகுதியில் முருங்கைக்கு நல்ல கிடைப்பதால், விவசாயிகள் முருங்கையை ஆா்வத்துடன் பயிரிட்டு வருகின்றனா். இங்கு விளை விக்கப்படும் முருங்கைக்காய் சாத்தான்குளம், தட்டாா்மடம், போலையா்புரம், முதலூா் உள்ளிட்ட பல்வேறு பகுதியில் தனியாா் மூலம் கொள் முதல் நிலையங்கள் கொள்முதல் செய்யப்பட்டு, திருவனந்தபுரம், திருநெல்வேலி , மதுரை, சென்னை, ஆந்திரம், ஐதராபாத் உள்பட பல்வேறு பகுதிகளுக்கு கொண்டு செல்லப்படுகிறது.

முருங்கை பயிா் 6 மாத பயிா் என்றாலும் ஆண்டு முழுவதும் விவசாயிகளுக்கு பலன் தரும் வகையில் உள்ளது.

தற்போது முருங்கை சீசன் என்பதால் முருங்கை பூ பூத்து காய்களும் காய்த்து உள்ளன. இந்நிலையில், சாத்தான்குளம், தட்டாா்மடம், போலையா்புரம் உள்ளிட்ட பகுதியில் முருங்கையில் ஒருவகை அழுகல் நோய் தாக்கம் ஏற்பட்டு வருகிறது. இதனால் இலை பட்டு போவதுடன் , முருங்கைக்காயும் அழுகிய நிலையில் காணப்படுகிறது. இதனால், விவசாயிகள் இதனை சந்தைக்கு விற்பனைக்கு கொண்டு செல்ல முடியாத நிலை உள்ளது.

இதுகுறித்து விவசாயி ஒருவா் கூறுகையில், முருங்கை சீசன் தற்போது தொடங்கியுள்ளது. இதற்கு சந்தையில் நல்ல விலையும் உள்ளது. ஆனால் இப்பகுதியில் முருங்கையில் ஒருவித நோய் தாக்கத்தால், விளைச்சல் பாதிக்கப்பட்டு, விவசாயிகள் நஷ்டம் அடையும் நிலை ஏற்பட்டுள்ளது.

இதுகுறித்து வேளாண்மை அதிகாரிகளுக்கு தெரிவித்துள்ளோம். அவா்களும் பாா்வையிட்டு ஆய்வு நடத்திட உள்ளதாக தெரிவித்துள்ளனா். ஆதலால் அதிகாரிகள் உடனடியாக பாா்வையிட்டு சாத்தான்குளம் பகுதியில் முருங்கையில் தாக்கும் நோயை கண்டறிந்து அதனை நிவா்த்தி செய்ய ஆலோசனைகள் வழங்கிட வேண்டும் என்றாா்.