குறைந்த கட்டணத்தில் தரமான கல்வி அளிப்பதில் தூத்துக்குடி வஉசி கல்லூரி சிறப்பிடம்

 தூத்துக்குடி வஉசி கல்லூரிகுறைந்த கட்டணத்தில் தரமான கல்வி அளிப்பதில் பல்வேறு விருதுகளை பெற்றுள்ளது என்றாா் கல்லூரியின் முதல்வா் சொ. வீரபாகு.

தூத்துக்குடியில் வியாழக்கிழமை அவா் அளித்த பேட்டி: நாட்டில் கல்வி நிறுவனங்களின் தரத்தை நிா்ணயம் செய்யும் அமைப்பான தேசிய தர நிா்ணய கட்டமைப்பு 2020 ஆம் ஆண்டு தூத்துக்குடி வ.உ.சிதம்பரம் கல்லூரியின் கல்வி தரம் மற்றும் இதர கல்வி சாா்ந்த பணிகளை தர நிா்ணயம் செய்து இந்திய அளவில் 68 ஆம் இடத்தை வழங்கியது.

தற்போது, இந்தியா டுடே இதழ் ஜூன் 2021 ஆம் ஆண்டு இந்திய அளவில் மிகச்சிறந்த வல்லுநா்களை கொண்டு 1559 கல்லூரிகளை தர நிா்ணயம் செய்ததில் வ.உ.சிதம்பரம் கல்லூரி முதல் பத்து இடங்களில் இடம் பிடித்து சாதனை புரிந்துள்ளது.

குறைந்த கல்விக் கட்டணம் என்ற அடிப்படையில் வணிக நிா்வாகவியல் பாடப்பிரிவுக்கு இந்திய அளவில் 4 ஆம் இடம் கிடைத்துள்ளது. மேலும் கலை தொடா்பான பாடங்களுக்கு 5 ஆம் இடமும், அறிவியல் தொடா்பான பாடங்களுக்கு 6 ஆம் இடமும் கிடைத்துள்ளது.

குறைந்த கல்விக் கட்டணத் தொகைக்கு கிடைக்கும் சிறப்பான கல்வி என்ற அடிப்படையில் வ.உ.சிதம்பரம் கல்லூரியின் வணிகவியல் பாடப்பிரிவுக்கு 5 ஆம் இடமும், வணிக நிா்வாகவியல் பாடப்பிரிவுக்கு 6 ஆம் இடத்தையும் இந்தியா டுடே இதழ் வெளியிட்டுள்ளது.

ஒட்டுமொத்த செயல்பாடுகளை ஆராய்ந்து அறிவியல் பாடப்பிரிவுகளுக்கு 65 ஆம் இடமும், வணிக நிா்வாகவியல் பாடபிரிவுக்கு 101 இடமும், கலை பாடப்பிரிவுகளுக்கு 107 இடமும், வணிகவியல் பாடப்பிரிவுக்கு 113 இடமும் அகில இந்திய அளவில் அளித்து இந்தக் கல்லூரியை இந்திய டுடே இதழ் கெளரவப்படுத்தியுள்ளது.

இதேபோல, ‘தி வீக்’ ஆங்கில இதழ் வ.உ.சிதம்பரம் கல்லூரியை தென் தமிழகத்தின் சிறந்த கல்லூரிகளில் ஒன்றாக அங்கீகரித்துள்ளது. கல்லூரியின் கலை பாடப்பிரிவுகளுக்கு 15 ஆவது இடமும், அறிவியல் பாடப்பிரிவுகளுக்கு 20 ஆவது இடமும், வணிகவியல் பாடபிரிவுகளுக்கு 24 ஆவது இடமும் அந்த இதழால் வழங்கப்பட்டுள்ளது.

மேலும், தி வீக் இதழ் வ.உ.சிதம்பரம் கல்லூரியின் கலை பாடப்பிரிவுகளுக்கு இந்திய அளவில் 47 ஆவது இடமும், அறிவியல் பாடப்பிரிவுகளுக்கு 43 ஆவது இடமும், வணிகவியல் பாடப்பிரிவுகளுக்கு 51 ஆவது இடமும் அளித்து இந்திய அளவில் கல்லூரியை அங்கீகரித்து முன்னிறித்தியுள்ளது என்றாா் அவா்.