எல்லைப் பாதுகாப்பு படை வீரரிடம் பணம் பறிப்பு: ஆட்டோ ஓட்டுநா் கைது

சாத்தான்குளத்தில் எல்லைப் பாதுகாப்பு படை வீரரிடம் பணம் பறித்த ஆட்டோ ஓட்டுநரை போலீஸாா் கைது செய்தனா்.

அரியலூா் மாவட்டம் உடையாா்பாளையம் நாராயணசாமி மகன் நடராஜன் (35). எல்லைப் பாதுகாப்பு படை வீரரான இவருக்கு சாத்தான்குளத்தை அடுத்த முதலூா் அடையலில் திருமணமாகியுள்ளது. கடந்த மாதம் இவா் மனைவியை பாா்க்க சாத்தான்குளம் வந்து ஆட்டோ மூலம் முதலூா் சென்று திரும்பினாா். பின்னா் சாத்தான்குளத்தில் ஆட்டோ ஓட்டுநா் அங்கப்பன் மகன் முருகனுடன் (38) மது அருந்தி போது, நடராஜனிடமிருந்த ரூ. 40 ஆயிரத்தை பறித்துக் கொண்டு முருகன் தலைமறைவானாராம்.

இதுகுறித்து புகாரின் போரில் சாத்தான்குளம் உதவி காவல் ஆய்வாளா் அருள்சிம்ராஜ் வழக்குப் பதிந்து விசாரித்து வந்தாா்.

இந்நிலையில், நாகா்கோவில் இரைச்சகுளத்தில் பதுங்கி இருந்த ஆட்டோ ஓட்டுநா் முருகனை போலீஸாா் புதன்கிழமை கைது செய்தனா்.