தூத்துக்குடி விமான நிலைய விரிவாக்கப் பணிகள் 2023 ஆம் ஆண்டுக்குள் நிறைவடையும்: விமான நிலைய இயக்குநா் தகவல்

 தூத்துக்குடி விமான நிலைய விரிவாக்கப் பணிகள் 2023 ஆம் ஆண்டுக்குள் நிறைவடையும் என்றாா் விமான நிலைய இயக்குநா் என். சுப்பிரமணியன்.

தூத்துக்குடியில் வெள்ளிக்கிழமை அவா் அளித்த பேட்டி: தூத்துக்குடி விமான நிலையத்துக்கு 2021-2022 ஆம் ஆண்டு கரோனா பரவல் காலகட்டத்திலும் ஒரு லட்சத்துக்கும் மேலான பயணிகள் பயணித்துள்ளனா்.

விமான நிலைய விரிவாக்கத்திற்கான ஓடுதளம் அமைக்கும் பணிகள் நடைபெற்று வருகின்றன. அந்தப் பணிகள் முடிவடைந்தவுடன் அடுத்த ஆண்டு ஏப்ரல் மாதம் முதல் இரவு நேர விமான சேவை தொடங்கும்.

தூத்துக்குடி விமான நிலையத்தில் ரூ. 380 கோடி செலவில் நடைபெற்று வரும் விரிவாக்கப் பணிகள் 2023 ஆம் ஆண்டுக்குள் முழுமையாக முடிவடையும். அதன் பிறகு தூத்துக்குடி விமான நிலையத்தில் இருந்து மும்பை, தில்லி, ஹைதராபாத் போன்ற இடங்களுக்கு விமான சேவை தொடங்கும்.

ஒமைக்ரான் பாதிப்பு எதிரொலியாக தூத்துக்குடி விமான நிலையத்திற்கு வரும் பயணிகள் முகக் கவசம் அணியாமல் வருகை தந்தால் ரூ.250 வரை அபராதம் விதிக்கப்படும். மேலும், ஒமைக்ரான் தீநுண்மி தொற்று கண்டறிய தூத்துக்குடி விமான நிலையத்தில் ஆா்டிபிசிஆா் பரிசோதனை நிலையம் அமைக்க அனுமதி கோரி உள்ளோம் என்றாா் அவா்.

முன்னதாக, விரிவாக்கப் பணிகளை தென் மாநில விமான நிலையங்களின் திட்ட பொதுமேலாளா் ஸ்ரீ கிருஷ்ணா, தூத்துக்குடி விமான நிலைய இயக்குநா் என். சுப்பிரமணியன் உள்ளிட்ட அதிகாரிகள் நேரில் பாா்வையிட்டு ஆய்வு செய்தனா்.