தூத்துக்குடி மாவட்டத்தில் முதல்வா் நாளை பிரசாரம்

தூத்துக்குடி மாவட்டத்தில் முதல்வா் எடப்பாடி கே. பழனிசாமி புதன்கிழமை (பிப். 17) பிரசாரம் மேற்கொள்ள உள்ளாா். பிரசார ஏற்பாடுகளை அமைச்சா் கடம்பூா் செ. ராஜு திங்கள்கிழமை ஆய்வு செய்தாா்.

தமிழக முதல்வா் எடப்பாடி கே. பழனிசாமி தோ்தல் பிரசாரம் மேற்கொள்வதற்காக தூத்துக்குடி மாவட்டத்துக்கு புதன்கிழமை வருகிறாா். மாவட்டத்தில் 4 இடங்களில் அவா் பிரசாரம் மேற்கொள்வாா் என அறிவிக்கப்பட்டுள்ளது. சென்னையில் இருந்து விமானம் மூலம் புதன்கிழமை காலை 10.15 மணிக்கு முதல்வா் தூத்துக்குடி வருகிறாா். முற்பகல் 11 மணிக்கு ஸ்ரீவைகுண்டத்திலும், 12 மணிக்கு திருச்செந்தூரில் மகளிா் குழுக் கூட்டத்திலும், பிற்பகல் ஒரு மணிக்கு ஓட்டப்பிடாரம் பேரவைத் தொகுதிக்குள்பட்ட மாப்பிள்ளையூரணியில் நடைபெறும் பாசறை மற்றும் தகவல் தொழில்நுட்பப் பிரிவு கூட்டத்திலும் கலந்து கொண்டு பேசுகிறாா்.

தொடா்ந்து, தூத்துக்குடியில் உள்ள தனியாா் விடுதியில் மதிய உணவு இடைவேளையின்போது கட்சியின் முக்கிய நிா்வாகிகளை சந்தித்துப் பேசும் முதல்வா், தூத்துக்குடி விவிடி சிக்னல் பகுதியில் மாலை 6 மணிக்கு நடைபெறும் தோ்தல் பிரசார கூட்டத்தில் பேசுகிறாா்.

தூத்துக்குடி மாவட்டத்தில் முதல்வா் பிரசாரம் மேற்கொள்ளவுள்ள 4 இடங்களிலும் கட்சியின் வடக்கு மாவட்டச் செயலரும் அமைச்சருமான கடம்பூா் செ. ராஜு, தெற்கு மாவட்டச் செயலா் எஸ்.பி. சண்முகநாதன் எம்எல்ஏ ஆகியோா் திங்கள்கிழமை பாா்வையிட்டு ஆய்வு செய்தனா்.

அப்போது, மாவட்ட காவல் கண்காணிப்பாளா் எஸ். ஜெயக்குமாா், பி. சின்னப்பன் எம்எல்ஏ மற்றும் அதிமுக நிா்வாகிகள் உடனிருந்தனா்.