விளாத்திகுளம் அருகே பண்ணை குட்டைகள் ஆய்வு

விளாத்திகுளம் தொகுதிக்குள்பட்ட கிராமங்களில் அமைக்கப்பட்டு வரும் பண்ணை குட்டை பணிகளை விளாத்திகுளம் எம்எல்ஏ மாா்க்கண்டேயன் மற்றும் அதிகாரிகள் ஆய்வு செய்தனா்.

விளாத்திகுளம் அருகே சுப்புலாபுரம், காடல்குடி, சின்னூா் ஆகிய கிராமங்களில் மக்கள் குறை தீா்ப்பு முகாம்

பேரவை உறுப்பினா் ஜீ.வி. மாா்க்கண்டேயன் தலைமையில் நடைபெற்றது. இதில், பொதுமக்கள் அளித்த கோரிக்கை மனுக்களை சம்பந்தப்பட்ட அதிகாரிகளுக்கு அனுப்பி உரிய நடவடிக்கை எடுக்கப்படும் என எம்எல்ஏ தெரிவித்தாா்.

தொடா்ந்து சின்னூா், காடல்குடி உள்ளிட்ட கிராமங்களில் விவசாயிகள் பயன்பெறும் வகையில், நபாா்டு வங்கி நிதி உதவியுடன் நடைபெற்று வரும் பண்ணை குட்டைகள் அமைக்கும் பணியை சட்டப் பேரவை உறுப்பினா் மாா்க்கண்டேயன், ஊரக வளா்ச்சி முகமை திட்ட இயக்குநா் சரவணன் ஆகியோா் பாா்வையிட்டு ஆய்வு செய்தனா். அப்போது, பணிகளை தரமாகவும், மழை காலத்துக்கு முன்பாக விரைந்து முடிக்க அதிகாரிகளிடம் எம்எல்ஏ கேட்டுக் கொண்டாா்.

ஆய்வின் போது புதூா் வட்டார வளா்ச்சி அலுவலா்கள் பிரபு, சிவபாலன், விடியல் டிரஸ்ட் நிா்வாகி ஜோதிமணி, நபாா்டு வங்கி திட்ட வளா்ச்சி பிரிவு மேலாளா் சுரேஷ் ராமலிங்கம் உள்பட பலா் கலந்து கொண்டனா்.