காந்திநகரில் தோ்தல் விதிமுறைகள் ஆலோசனைக் கூட்டம்

காந்திநகரில் தோ்தல் விதிமுறைகள் குறித்து அரசியல் கட்சி நிா்வாகிகளுடனான ஆலோசனைக் கூட்டம் நடைபெற்றது.

கூட்டத்துக்கு, தட்டாா்மடம் காவல் ஆய்வாளா் சாம்சன் ஜெபதாஸ் தலைமை வகித்தாா்.

இதில் அதிமுக ஒன்றிய இளைஞரணி செயலா் பாலகிருஷ்ணன், சொக்கன்குடியிருப்பு கூட்டுறவு கடன் சங்கத் தலைவா் பாண்டியராஜ், பாஜக சாா்பில் படுக்கப்பத்து சரவணன், திமுக சாா்பில் தாமரைமொழி ஜெகநாதன், ஒன்றிய விசிக செயலா் ஜெயராமன், புரட்சி பாரதம் கட்சி சாா்பில் செந்தில்குமாா், நாம்தமிழா் கட்சி சாா்பில் சகாய விஜயன் அமமுக சாா்பில் வேலுமுத்து உள்ளிட்ட பலா் கலந்து கொண்டனா்.

தோ்தல் விதிமுறைப்படி அரசியல் கட்சி கூட்டம் நடத்த 48 மணி நேரத்துக்குள் மாவட்ட ஆட்சியா் அல்லது வட்டாட்சியரிடம் முன்அனுமதி பெறவேண்டும்.

கட்சி சாா்பில் வரையப்பட்ட சுவா் விளம்பரங்கள், சுவரொட்டிகளை அந்தந்தக் கட்சியைச் சோ்ந்தவா்களே அழித்து விட வேண்டும். தோ்தல் நன்னடத்தை விதிமுறைகளை முழுமையாக கடை ப்டிக்க வேண்டும் என காவல்துறையினா் அறிவுறுத்தினா். உதவி ஆய்வாளா் அய்யப்பன் நன்றி கூறினாா்.