கோவில்பட்டி கோயிலில் மகா சிவராத்திரி கொடியேற்றம்

கோவில்பட்டி மாதாங்கோவில் தெரு அருள்மிகு ஸ்ரீ குருநாதா் சமேத ஸ்ரீ அங்காள பரமேஸ்வரி அம்மன் கோயிலில் மகா சிவராத்திரி திருவிழா கொடியேற்றத்துடன் திங்கள்கிழமை தொடங்கியது.

இதையொட்டி அதிகாலை 5 மணிக்கு கோயில் நடை திறக்கப்பட்டது. அதைத் தொடா்ந்து, திருவனந்தல் மற்றும் திருப்பள்ளி எழுச்சி பூஜை நடைபெற்றது. பின்னா், சுவாமி, அம்பாளுக்கு அபிஷேகம் மற்றும் சிறப்பு தீபாராதனை நடைபெற்றது. மாலை 4 மணிக்கு பூரண கும்ப ஜெபம் நடைபெற்றது. பின்னா், கோயில் வளாகத்தில் உள்ள அனைத்து சன்னதியிலும் காப்பு கட்டப்பட்டது. மாலை 6 மணிக்கு மேல் கொடியேற்றப்பட்டது. தொடா்ந்து, நந்தி, பலிபீடம், கொடி மரத்துக்கு சிறப்பு அபிஷேகங்கள் செய்யப்பட்டு, அலங்கார தீபாராதனை நடைபெற்றது. இரவு 8 மணிக்கு சுவாமி- அம்பாள் ரிஷப வாகனத்தில் திருவீதியுலா நடைபெற்றது.

2 ஆம் நாளான செவ்வாய்க்கிழமை காலை 9 மணிக்கு சிறப்பு அபிஷேகமும், இரவு 7 மணிக்கு சுவாமி-அம்பாள் சிம்ம வாகனத்தில் திருவீதியுலாவும் நடைபெறும். புதன்கிழமை இரவு 11 மணிக்கு இருளப்பசுவாமி முக கப்பரை திருவீதியுலாவும், வியாழக்கிழமை காலை 8 மணிக்கு மஞ்சள் பால்குடம் ஊா்வலமும், அதைத் தொடா்ந்து 10 மணிக்கு சிறப்பு அபிஷேக அலங்கார தீபாராதனை நடைபெறுகிறது. ஏற்பாடுகளை கோயில் நிா்வாக கமிட்டியினா் செய்து வருகின்றனா்.