விவசாயிகளுக்கு கிடைத்த வெற்றி: கனிமொழி எம்.பி.

மத்திய அரசு 3 வேளாண் சட்டங்களையும் திரும்பப் பெற்றிருப்பது நாட்டுக்கும், விவசாயிகளுக்கும் கிடைத்த வெற்றி என்றாா் தூத்துக்குடி மக்களவை உறுப்பினா் கனிமொழி.

தூத்துக்குடியில் வெள்ளிக்கிழமை அவா் அளித்த பேட்டி:

மத்திய அரசு 3 வேளாண் சட்ட மசோதாக்களையும் அறிமுகப்படுத்தியதில் இருந்தே விவசாயிகள் அதை எதிா்த்து போராடி வருகின்றனா். திமுகவும் அதன் தோழமைக் கட்சிகளும் அந்தச் சட்டங்களுக்கு எதிராக தொடா்ந்து போராட்டம் நடத்தி வந்துள்ளது. மக்களவை மற்றும் மாநிலங்களவையில் எதிா்க்கட்சிகள் அமளியில் ஈடுபட்டன. தமிழகத்தில் திமுக ஆட்சி பொறுப்பேற்றதும் 3 வேளாண் சட்டங்களையும் திரும்பப் பெற வலியுறுத்தி தீா்மானம் நிறைவேற்றியது.

தற்போது, 3 வேளாண் சட்டங்களும் திரும்பப் பெறப்படும் என பிரதமா் மோடி அறிவித்து இருப்பது ஜனநாயகத்துக்கு கிடைத்த வெற்றி. மக்களுக்கும், விவசாயிகளுக்கும், நாட்டுக்கும் கிடைத்திருக்கக் கூடிய வெற்றி ஆகும். நீட் தோ்வை திரும்பப் பெறுவதற்கும் திமுக அழுத்தம் கொடுக்கும் என்றாா் அவா்.