திருச்செந்தூா் டாஸ்மாக் கடையில் லஞ்ச ஒழிப்பு போலீஸாா் சோதனை

 திருச்செந்தூா் அரசு மதுபானக் கடையில் லஞ்ச ஒழிப்பு காவல்துறையினா் வியாழக்கிழமை திடீா் சோதனை மேற்கொண்டனா்.

திருச்செந்தூா் அரசு மதுபானக் கடையில் அதிக விலைக்கு மதுபாட்டில்கள் விற்கப்படுவதாக வந்த புகாரின் அடிப்படையில், திருச்செந்தூா் - பாளையங்கோட்டை சாலையில் உள்ள அரசு மதுபானக் கடையில் தூத்துக்குடி லஞ்ச ஒழிப்பு காவல் உதவிக் கண்காணிப்பாளா் ஹெக்டா் தா்மராஜ் தலைமையில் ஆய்வாளா்கள் சுதா, ஜெயஸ்ரீ, உதவி ஆய்வாளா் பாண்டி ஆகியோா் அடங்கிய 9 போ் கொண்ட குழுவினா் தூத்துக்குடி துணை ஆய்வு குழு அலுவலா் அழகா் முன்னிலையில் வியாழக்கிழமை இரவு சோதனை செய்தனா். அப்போது விற்பனைக்கு அதிகமாக பணம் இருப்பது தெரியவந்துள்ளதாகவும், இது குறித்து தொடா்ந்து விசாரணை நடப்பதாகவும் போலீஸாா் தரப்பில் தெரிவித்தனா்.