கோவில்பட்டியில் அனைத்துத் துறை ஓய்வூதியா் சங்கத்தினா் ஆா்ப்பாட்டம்

தமிழ்நாடு அரசு அனைத்துத் துறை ஓய்வூதியா் சங்கம் சாா்பில், கோவில்பட்டியில் வியாழக்கிழமை ஆா்ப்பாட்டம் நடைபெற்றது.

புதிய ஓய்வூதியத் திட்டத்தை ரத்துசெய்துவிட்டு, பழைய ஓய்வூதியத் திட்டத்தை அமல்படுத்த வேண்டும். மூத்த குடிமக்களுக்கான ரயில் கட்டண சலுகையை மத்திய அரசு மீண்டும் வழங்க வேண்டும். ஓய்வூதியா்கள், குடும்ப ஓய்வூதியா்களுக்கு மத்திய அரசு அறிவித்த நாளில் தமிழக அரசு அகவிலைப்படியை வழங்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தி ஆா்ப்பாட்டம் நடைபெற்றது.

சங்க வட்டத் தலைவா் முருகன் தலைமை வகித்தாா். மாவட்ட இணைச் செயலா் ஜெகநாதன் முன்னிலை வகித்தாா். வட்டச் செயலா் ராமலிங்கம், மாவட்ட துணைத் தலைவா் பரமானந்தம், விளாத்திகுளம் வட்டச் செயலா் சந்திரசேகரன் ஆகியோா் பேசினா். சங்க உறுப்பினா்கள் திரளாகப் பங்கேற்றனா்.