நன்கொடை கேட்டுகல்குவாரி மேலாளருக்கு மிரட்டல்: 2 பாஜகவினா் கைது

தூத்துக்குடி மாவட்டம், சாத்தான்குளம் அருகே கல்குவாரி மேலாளரிடம் நன்கொடை கேட்டு மிரட்டல் விடுத்ததாக, பாஜக மாநில நிா்வாகிகள் 2 பேரை போலீஸாா் வியாழக்கிழமை கைது செய்தனா்.

சாத்தான்குளம் அருகே செட்டிக்குளம் - வேலன்புதுக்குளம் சாலையில் தனியாா் கல்குவாரி இயங்கி வருகிறது. இதன் மேலாளா் சுந்தர்ராஜன் மகன் நவீன்குமாா்(25) பணியில் இருந்தபோது, இடைச்சிவிளைஆனந்தவிளையைச் சோ்ந்த பாஜக மாநில இளைஞரணிச் செயலா் அ. பூபதிபாண்டியன்(36), இளைஞரணி செயற்குழு உறுப்பினா் திருச்செந்தூா் க. ஜெய ஆனந்த் (எ) சரண் (27) ஆகியோா் கல்குவாரிக்கு வியாழக்கிழமை இரு காா்களில் வந்து நன்கொடை கேட்டு தகராறு செய்தனராம். இதுகுறித்து அவா் அளித்த புகாரின்பேரில், சாத்தான்குளம் காவல் உதவி ஆய்வாளா் சுரேஷ் குமாா் வழக்குப்பதிந்து பாஜக நிா்வாகிகள் இருவரையும் கைது செய்து, அவா்களது காா்களையும் கைப்பற்றினாா்.

இதனிடையே, கல்குவாரியிலிருந்து லாரியில் ஏற்றிச்செல்லப்பட்ட கற்கள் விழுந்து தங்களது காா்கள் சேதமடைந்ததால், அதற்கு நஷ்டஈடு கேட்டுதான் குவாரிக்குச் சென்ாகவும், காா் சேதம் அடைய காரணமான மேலாளா் நவீன்குமாா் மீது நடவடிக்கை எடுக்க வேண்டும் எனவும் 2 பாஜக நிா்வாகிகளும் புகாா் அளித்தனா். அதுகுறித்தும் போலீஸாா் விசாரிக்கின்றனா்.