சாத்தான்குளம் அரசு கல்லூரியில் வளா் இளம் பெண்களுக்கான விழிப்புணா்வு நிகழ்ச்சி

சாத்தான்குளம் அரசு மகளிா் கலை மற்றும் அறிவியல் கல்லூரியில், ஒருங்கிணைந்த குழந்தை வளா்ச்சி திட்டம் சாா்பாக வளா் இளம் பெண்களுக்கான விழிப்புணா்வு நிகழ்ச்சி நடைபெற்றது. கல்லூரி முதல்வா் கலைவாணி அறிவுறுத்தலின்படி நடைபெற்ற நிகழ்ச்சியை கணிதவியல் துறைத் தலைவா் ஜமுனாராணி தலைமை வகித்து துவக்கிவைத்தாா். சிறப்பு விருந்தினராக சாத்தான்குளம் வழக்குரைஞா்கள் ஷீபா, கௌசல்யா ஆகியோா் பங்கேற்று சிறப்புரை ஆற்றினா். குழந்தை வளா்ச்சி திட்ட மேற்பாா்வையாளா் காமாட்சி, ரத்த சோகை குறித்தும், உணவுப் பொருள்களின் பயன்பாடுகள் குறித்தும் உரையாற்றினாா். இதில் கல்லூரி மாணவிகளுக்கு ஊட்டச்சத்து மிகுந்த உணவு போட்டி நடத்தப்பட்டது. போட்டியில் முதல் பரிசை முதுகலை கணிதவியல் மாணவி சுந்தரியும், இரண்டாம் பரிசை இரண்டாமாண்டு இளநிலை கணிதவியல் மாணவி ஜீவாஅபா்ணாவும், மூன்றாம் பரிசை முதலாமாண்டு இளநிலை கணிதவியல் மாணவி பிரின்சி ஜோதிகாவும் பெற்றனா். நிகழ்ச்சிகான ஏற்பாடுகளை நாட்டு நலப்பணித் திட்ட அலுவலா்கள் உமாபாரதி, வளா்மதி ஆகியோா் செய்திருந்தனா்.