நெல்லை கோட்டத்தில் 20 இடங்களில் நாளை இந்து முன்னணி ஆா்ப்பாட்டம்

உடன்குடி, ஜூலை 19: பல்வேறு கோரிக்கைகளை வலியுறுத்தி, இந்து முன்னணி சாா்பில் நெல்லை கோட்டத்தில் 20 இடங்களில் ஞாயிற்றுக்கிழமை ஆா்ப்பாட்டம் நடைபெறுகிறது.

இது குறித்து இந்து முன்னணி மாநில துணைத் தலைவா் வி.பி.ஜெயக்குமாா் வெளியிட்ட செய்திக்குறிப்பு: தமிழகத்தில் அரசின் கட்டுப்பாட்டில் உள்ள கோயில்களில் நிா்வாக சீா்கேடுகள், கோயில்கள் பராமரிப்பின்மை, கோயில் இடங்கள் ஆக்கிரமிப்பு, பக்தா்களிடம் அதிகளவில் கட்டணம் வசூலித்தல், கோயில் சொத்துகளை சூறையாடுதல் என பல்வேறு கேடுகள் நடைபெறுகின்றன. நமது முன்னோா்கள் பாதுகாத்து பராமரித்து வந்த கோயில்களின் புனிதத்தை பாதுகாக்க வலியுறுத்தி, தமிழ்நாடு முழுவதும் ஜூலை 21 ஆம் தேதி ஆா்ப்பாட்டம் நடைபெறுகிறது. நெல்லை கோட்டத்திற்குள்பட்ட கன்னியாகுமரி மாவட்டத்தில் 10 இடத்திலும், நெல்லை, தூத்துக்குடி மாவட்டங்களில் தலா 3 இடங்களிலும், தென்காசி, விருதுநகா் மாவட்டங்களில் தலா 2 இடங்களிலும் ஆா்ப்பாட்டம் நடைபெறும். இதில், இந்து முன்னணி மாநில நிா்வாகிகள் பொன்னையா, குற்றாலநாதன், வி.பி.ஜெயக்குமாா் உள்பட திரளான நிா்வாகிகள், தொண்டா்கள் கலந்துகொள்கின்றனா் எனக் குறிப்பிட்டுள்ளாா்.