இலங்கைக்கு கடத்துவதற்காக பதுக்கிய ரூ.30 கோடி போதைப் பொருள்கள் பறிமுதல்: ஒருவா் கைது

தூத்துக்குடியில் இருந்து இலங்கைக்கு கடத்துவதற்காக முறப்பநாடு பகுதியில் ஒரு வீட்டில் பதுக்கிய சுமாா் ரூ.30 கோடி போதைப் பொருள்களை கடலோரப் பாதுகாப்பு குழும போலஸீாா் பறிமுதல் செய்தனா். இது தொடா்பாக ஒருவரை கைது செய்தனா்.

தூத்துக்குடி முறப்பநாடு பகுதியில் இருந்து இலங்கைக்கு கடத்துவதற்காக சாரஸ் மற்றும் கேட்டமைன் உள்ளிட்ட போதைப் பொருள்கள் பதுக்கி வைக்கப்பட்டிருப்பதாக கடலோர பாதுகாப்பு குழும போலீஸாருக்கு தகவல் கிடைத்தது. அதன்பேரில், காவல் ஆய்வாளா் பேச்சிமுத்து தலைமையிலான போலீஸாா் முறப்பநாடு பகுதியில் சோதனை செய்தனா். அங்கு துரைப்பாண்டி(48) என்பவரது வீட்டை சோதனை செய்ததில், இலங்கைக்கு கடத்துவதற்காக பதுக்கி வைக்கப்பட்டிருந்த சுமாா் 50 கிலோ சாரஸ், 5 கிலோ கிறிஸ்டல் கேட்டமைன் இருந்தது தெரியவந்தது.

இதையடுத்து போதைப் பொருள்களை பறிமுதல் செய்த போலீஸாா், இதை பதுக்கி வைத்திருந்ததாக துரைப்பாண்டியை கைது செய்தனா்.

இதுகுறித்து போதைப்பொருள் நுண்ணறிவு பிரிவு போலீஸாா் வழக்குப் பதிந்து விசாரித்து வருகின்றனா். மேலும், பறிமுதல் செய்யப்பட்ட போதைப் பொருள்களின் சா்வதேச மதிப்பு சுமாா் ரூ.30 கோடிக்கு மேல் இருக்கும் என போலீஸாா் தெரிவித்தனா்.