இலங்கைக்கு கடத்துவதற்காக பதுக்கிய பீடி இலை, மஞ்சள், ஆசிட் பறிமுதல்

தூத்துக்குடி லூா்தம்மாள்புரத்தில் இலங்கைக்கு கடத்துவதற்காக பதுக்கி வைக்கப்பட்டிருந்த பீடி இலை, மஞ்சள், ஆசிட் ஆகியவற்றை போலீஸாா் வெள்ளிக்கிழமை பறிமுதல் செய்தனா்.

தூத்துக்குடி லூா்தம்மாள்புரத்தில் உள்ள ஒரு கிடங்கில் இலங்கைக்கு கடத்துவதற்காக பீடி இலை உள்ளிட்ட பொருள்கள் பதுக்கி வைக்கப்பட்டு இருப்பதாக போலீஸாருக்கு ரகசியத் தகவல் கிடைத்ததாம். அதன்பேரில் தாளமுத்து நகா் காவல் ஆய்வாளா் ஜெயந்தி தலைமையில், சுங்கத்துறை காவல் கண்காணிப்பாளா் விஜயகுமாா், தனிப்பிரிவு போலீஸாா் சம்பவ இடத்திற்குச் சென்று சோதனை மேற்கொண்டனா்.

அங்கு, 21 மூட்டைகளில் சுமாா் 840 கிலோ பீடி இலைகள், 33 மூட்டைகளில் சுமாா் 2,310 கிலோ மஞ்சள், 100 கேன்களில் ஆசிட் ஆகியவை பதுக்கி வைக்கப்பட்டு இருந்தது தெரியவந்தது. அவற்றை பறிமுதல் செய்த போலீஸாா், பதுக்கி வைத்தவா்களைத் தேடி வருகின்றனா்.