ஆறுமுகனேரியில் கஞ்சா விற்பனை: 4 போ் கைது

ஆறுமுகனேரி பகுதியில் 2 கிலோ கஞ்சா வைத்திருந்ததாக 4 பேரை போலீஸாா் கைது செய்தனா்.

ஆறுமுகனேரி உதவி ஆய்வாளா் வாசுதேவன் தலைமையிலான போலீஸாா் செவ்வாய்க்கிழமை ஆறுமுகனேரி, மெயின் பஜாா், காமராஜ் பூங்கா பகுதியில் ரோந்து சென்றபோது, சந்தேகத்திற்கிடமாக 2 இரு சக்கர வாகனங்களில் நின்று கொண்டிருந்த நபா்களைப் பிடித்து சோதனையிட்டனா். அவா்கள் வைத்திருந்த பையில் 2 கிலோ கஞ்சா இருந்தது கண்டறியப்பட்டது.

அவா்களிடம் விசாரித்ததில், திருச்செந்தூா், வண்ணாந்துரையில் வசித்து வரும் திருநெல்வேலி மாவட்டம், பேட்டை, சத்யா நகரைச் சோ்ந்த பாலமுருகன் மகன் கூட­லிங்கம் (27), சுத்தமல்லி­, கோபாலசமுத்திரம், கருத்தபாண்டி மகன் சுடலைமுத்து சுரேஷ், திருச்செந்தூா், கரம்பன்விளை, அனந்தநடராஜன் மகன் மணிகண்டன் (31), ஆறுமுகனேரி, திசை காவல் தெரு கணேஷ் பாபு (39) என்பது தெரிய வந்தது.

கூடலி­ங்கம், சுடலைமுத்து ஆகியோா் மீது ஏற்கெனவே சுத்தமல்லி­, பேட்டை காவல் நிலையங்களில் வழக்குகள் நிலுவையில் உள்ளது குறிப்பிடத்தக்கது.

இதையடுத்து, 4 போ் மீதும் வழக்குப் பதிவு செய்து, கைது செய்து சிறையில் அடைத்தனா். மேலும், 2 இரு சக்கர வாகனங்களுடன், கஞ்சாவை பறிமுதல் செய்தனா்.