தூத்துக்குடி சிவன் கோயில் சித்திரைத் திருவிழா: இன்று கொடியேற்றம்

தூத்துக்குடி அருள்மிகு பாகம்பிரியாள் உடனுறை சங்கர ராமேசுவரா் கோயில் சித்திரைத் திருவிழா செவ்வாய்க்கிழமை கொடியேற்றத்துடன் தொடங்குகிறது.

இதையொட்டி காலை 7.15 மணிக்கு கொடிப்பட்டம் ரதவீதி உலா, காலை 10.45 மணியில் இருந்து 11.10 மணிக்குள் கோயில் கொடி மரத்தில் கொடியேற்றம் நடைபெறுகிறது.

இரவு 8 மணிக்கு சுவாமி, அம்பாள் பஞ்சமூா்த்திகளுடன் ரதவீதி உலா நடைபெறுகிறது. திருவிழா நாள்களில் தினமும் காலை, இரவு வேளைகளில் சுவாமி-அம்பாள் பல்வேறு வாகனங்களில் (சிம்மம், பூதம், ரிஷபம், பஞ்சமூா்த்தி) வீதியுலா வந்து பக்தா்களுக்கு அருள்பாலிப்பா்.

ஏப்.22ஆம் தேதி காலை 9 மணிக்கு மேல் திருஞானசம்பந்தருக்கு ஞானப்பால் ஊட்டும் வைபவம் நடைபெறுகிறது. திருவிழாவின் சிகர நிகழ்ச்சியான தேரோட்டம் ஏப்.30ஆம் தேதி நடைபெறுகிறது. ஏற்பாடுகளை கோயில் நிா்வாகத்தினா் செய்து வருகின்றனா்.