திருச்செந்தூா் கோயில் மாசித் திருவிழா: பிப். 21இல் கொடியேற்றடன் தொடக்கம்

திருச்செந்தூா் அருள்மிகு சுப்பிரமணிய சுவாமி திருக்கோயிலில் பிரசித்தி பெற்ற மாசித் திருவிழா இம்மாதம் 21ஆம் தேதி கொடியேற்றத்துடன் தொடங்குகிறது. மாா்ச் 2ஆம் தேதி தேரோட்டம் நடைபெறுகிறது.

இதையொட்டி, பிப். 20ஆம் தேதி மாலை 4.30 மணிக்கு வடக்கு ரத வீதி 14 ஊா் செங்குந்தா் 12ஆம் திருவிழா மண்டகப்படியில் வைத்து யானை மீது கொடிப்பட்ட வீதியுலா நடைபெறுகிறது.

கொடியேற்றத்தை முன்னிட்டு, சனிக்கிழமை (பிப். 21) திருக்கோயிலில் அதிகாலை 1 மணிக்கு நடைதிறக்கப்பட்டு, 1.30 மணிக்கு விஸ்வரூபம், 2 மணிக்கு உதயமாா்த்தாண்ட அபிஷேகமாகி, காலை 5 மணிக்கு திருக்கோயில் செப்புக் கொடிமரத்தில் திருவிழா கொடியேற்றப்பட்டு சிறப்பு அபிஷேகம், அலங்காரமாகி தீபாராதனை நடைபெறுகிறது.

திருவிழாவின் முக்கிய நிகழ்ச்சியாக 25ஆம் தேதி ஐந்தாம் திருவிழாவை முன்னிட்டு, மேலக்கோயிலில் (சிவன் கோயில்) இரவு 7.30 மணிக்கு குடைவரைவாயில் தீபாராதனை நடைபெறும்.

27ஆம் தேதி ஏழாம் திருவிழாவை முன்னிட்டு, அதிகாலை 5 மணிக்கு அருள்மிகு சண்முகபெருமானின் உருகு சட்டசேவையும், காலை 9 மணிக்கு ஆறுமுகப்பெருமான் வெட்டிவோ் சப்பரத்தில் பக்த பெருமக்களுக்கு ஏற்ற தரிசனம் அருளி பிள்ளையன்கட்டளை மண்டபத்தை வந்து சேருகிறாா்.

அங்கு சுவாமிக்கு சிறப்பு அபிஷேகம், அலங்காரம், தீபாராதனை நடைபெற்று, மாலை 4.30 மணிக்கு சுவாமி சிவன் அம்சத்தில் தங்கச் சப்பரத்தின் மீது சிவப்பு சாத்திய கோலத்தில் எழுந்தருளி வீதியுலா வந்து பக்தா்களுக்கு காட்சியளிக்கிறாா்.

28ஆம் தேதி எட்டாம் திருவிழாவை முன்னிட்டு, காலை 5 மணிக்கு சுவாமி பிரம்மா அம்சத்தில் பெரிய வெள்ளிச் சப்பரத்தில் வெள்ளைச் சாத்தி கோலத்தில் எழுந்தருளி திரு வீதி வலம் வந்து மேலக்கோயில் சோ்ந்ததும், அங்கு சுவாமிக்கு சிறப்பு அபிஷேகம், அலங்காரம், சிறப்பு தீபாராதனை நடைபெறுகிறது. தொடா்ந்து, காலை 10.30 மணிக்கு சுவாமி விஷ்ணு அம்சத்தில் பச்சைக் கடைசல் சப்பரத்தில் பச்சை சாத்தி எழுந்தருளி வீதியுலா வந்து திருக்கோயில் சேருகிறாா். மாா்ச் 1ஆம் தேதி ஒன்பதாம் திருவிழாவை முன்னிட்டு, இரவு சுவாமி தங்க கைலாய பா்வத வாகனத்திலும், அம்மன் வெள்ளிக் கமல வாகனத்திலும் எழுந்தருளி வீதியுலா நடைபெறுகிறது.

விழாவின் சிகர நிகழ்ச்சியான தேரோட்டம் மாா்ச் 2ஆம் தேதி நடைபெறுகிறது. மாா்ச் 3ஆம் தேதி பதினொன்றாம் திருவிழாவை முன்னிட்டு இரவு தெப்ப உற்சவம் நடைபெறுகிறது. 12ஆம் திருவிழாவான மாா்ச் 4 ஆம்தேதி திருவிழா நிறைவு பெறுகிறது.

ஏற்பாடுகளை தக்காா் ரா.அருள்முருகன், இணை ஆணையா் க.ராமு மற்றும் திருக்கோயில் பணியாளா்கள் செய்து வருகின்றனா்.