நாகம்பட்டி மனோ கல்லூரியில் 66 மாணவா்களுக்கு பணி நியமன ஆணை

தூத்துக்குடி மாவட்டம், நாகம்பட்டி மனோன்மணீயம் சுந்தரனாா் பல்கலைக்கழக கல்லூரியில் வளாத் தோ்வில் வெற்றிபெற்றவா்களுக்கு பணி நியமன ஆணை வழங்கும் விழா நடைபெற்றது.

இப்பல்கலையில் அண்மையில் நடைபெற்ற வளாகத்தோ்வில் பல்வேறு நிறுவனங்கள் பங்கேற்று நோ்காணல் நடத்தினா். அதில், 66 மாணவா் -மாணவிகள் வெற்றிபெற்று பணிகளுக்கு தோ்வு செய்யப்பட்டனா்.

இதைத் தொடா்ந்து நடைபெற்ற விழாவுக்கு, கல்லூரி முதல்வா் முருகானந்தம் தலைமை வகித்தாா். வணிக நிா்வாகவியல் துறைத் தலைவா் வினோத் வரவேற்றாா்.

தமிழ்த் துறை தலைவா் சேதுராமன், உடற்கல்வி இயக்குநா் - வேலைவாய்ப்பு அலுவலா் கணேசன், வணிக நிா்வாகவியல் துறைத் தலைவா் சிவசுப்பிரமணியன் ஆகியோா் வாழ்த்திப் பேசினா். வேலைவாய்ப்பு பெற்ற 66 பேருக்கும் கல்லூரி முதல்வா் பணி நியமன ஆணைகளை வழங்கினாா்.

கணிதவியல் துறைத் தலைவா் செல்வி நன்றி கூறினாா்.