திருச்செந்தூா் பகுதியில் நாளை மின் நிறுத்தம்

திருச்செந்தூா் பகுதியில் புதன்கிழமை (நவ. 4) மின் நிறுத்தம் செய்யப்படுகிறது.

இதுகுறித்து, மின் விநியோக செயற்பொறியாளா் அருள் சாரங்கராயா் வெளியிட்ட செய்திக் குறிப்பு:

திருச்செந்தூா் கோட்டத்திற்குள்பட்ட திருச்செந்தூா் டவுண் பகுதிகளில் கந்த சஷ்டி திருவிழாவை முன்னிட்டு மின் விநியோகம் செய்யக் கூடிய மின் பாதையில் மின் பளுவைக் குறைக்கும் பொருட்டு, புதன்கிழமை (நவ. 4) காலை 10 மணி முதல் மதியம் 2 மணி வரை திருச்செந்தூா் டவுண் சுற்றுவட்டாரப் பகுதிகளான டி.பி. ரோடு, தெற்கு ரத வீதி, கீழ ரத வீதி, வெயிலுகந்தம்மன் கோயில் தெரு, வீரராகவபுரம் தெரு, முத்தாரம்மன் கோயில் தெரு, சந்தனமாரியம்மன் கோயில் தெரு, வீரகாளியம்மன் கோயில் தெரு, ஜீவா நகா், வ.உ.சி. தெரு, சுப்பிரமணியபுரம் ஆகிய பகுதிகளில் மின் விநியோகம் இருக்காது என அதில் தெரிவிக்கப்பட்டுள்ளது.