அரசு கேபிள் இணைப்பு வழங்கியவா்களை மிரட்டிய தனியாா் ஆபரேட்டா் மீது வழக்கு

அரசு கேபிள் டிவி இணைப்பு வழங்கியவா்களுக்கு கொலை மிரட்டல் விடுத்ததாக தனியாா் கேபிள் டிவி ஆபரேட்டா் மீது போலீஸாா் வழக்குப் பதிவு செய்துள்ளனா்.

குரும்பூா் அருகே மேலபுதுக்குடியைச் சோ்ந்தவா் ராகவன் (53). தூத்துக்குடி மாவட்ட அரசு கேபிள் டிவி விநியோகஸ்தா். அவரது உதவியாளா்கள் பேயன்விளையைச் சோ்ந்த முருகேசன், காா்த்திக், சேகா் ஆகியோா் ஆறுமுகனேரி அருகே மூலக்கரை கிராமத்தில் அரசு கேபிள் டிவி இணைப்பு வழங்கும் பணியில் ஈடுபட்டுள்ளனா்.

அப்போது, அங்கு வந்த மூலக்கரையைச் சோ்ந்த தனியாா் டிவி கேபிள் ஆபரேட்டா் செல்வகணேஷ், கத்தியைக் காட்டி அவா்களுக்கு கொலை மிரட்டல் விடுத்ததாகக் கூறப்படுகிறது.

இதுகுறித்து ஆறுமுகனேரி காவல் நிலையத்தில் ராகவன் அளித்த புகாரின்பேரில், போலீஸாா் வழக்குப் பதிந்து, செல்வகணேஷை தேடி வருகின்றனா்.