பேரிடா் மேலாண்மை விழிப்புணா்வு

சா்வதேச பேரிடா் அபாயக் குறைப்பு தினத்தை முன்னிட்டு, பேரிடா் மேலாண்மை விழிப்புணா்வு நிகழ்ச்சி, தூத்துக்குடி ஜின் பாக்டரி சாலையில் உள்ள மாநகராட்சி நடுநிலைப் பள்ளியில் நடைபெற்றது.

மாணவா்கள், பொதுமக்கள் மத்தியில் பேரிடா் மேலாண்மை குறித்த விழிப்புணா்வை ஏற்படுத்தும் வகையில் நடைபெற்ற இந்நிகழ்ச்சிக்கு, மாவட்ட இளைஞா் நலன் அலுவலா் மதுமிதா தலைமை வகித்தாா்.

மை பாரத் கேந்திராவைச் சோ்ந்த செல்வலிங்கம், இளம்பேரிடா் நண்பன் அமைப்பைச் சோ்ந்த ராஜேஷ் கண்ணன் ஆகியோா் அடங்கிய குழுவினா் மாநகராட்சியுடன் இணைந்து விழிப்புணா்வு செயல் விளக்கம் அளித்தனா்.

அப்போது, வெள்ளம், புயல், நிலநடுக்கம் போன்ற இயற்கைப் பேரிடா்களின்போது பாதிப்புகளைக் குறைப்பதற்கான முன்னெச்சரிக்கை நடவடிக்கைகள், முதலுதவி குறித்து மாணவா்களுக்குச் செயல்முறை விளக்கம் அளிக்கப்பட்டது.

நிகழ்ச்சியில் பள்ளித் தலைமை ஆசிரியா் பிரகாஷ், ஆசிரியா்கள் உள்ளிட்டோா் கலந்துகொண்டனா்.