கோவில்பட்டியில் 2 கடைகளில் பூட்டை உடைத்து திருட்டு

கோவில்பட்டி, மந்தித்தோப்பு சாலையில் உள்ள 2 கடைகளில் பூட்டை உடைத்துத் திருடிய மா்ம நபா்களை போலீஸாா் தேடி வருகின்றனா்.

கோவில்பட்டி, ராஜீவ் நகா், 6ஆவது தெருவைச் சோ்ந்த அங்கமுத்து மகன் மாரிசாமி. இவா் மந்தித்தோப்பு சாலையில் சாஸ்திரி நகா் பேருந்து நிறுத்தம் அருகே மின்சாதனப் பொருள்கள் விற்பனை செய்யும் கடை நடத்தி வருகிறாா்.

இவா் சனிக்கிழமை இரவு 9 மணிக்கு வழக்கம்போல கடையைப் பூட்டிவிட்டுச் சென்றாராம். ஞாயிற்றுக்கிழமை வார விடுமுறையைத் தொடா்ந்து, திங்கள்கிழமை காலை வந்து பாா்த்தபோது கடையின் பூட்டு உடைக்கப்பட்டு, கடையிலிருந்த ரூ. 20,000 ரொக்கம், பொருள்கள் ஆகியவை திருடு போயிருப்பது தெரிய வந்ததாம்.

இதுகுறித்து அவா் அளித்த புகாரின்பேரில், கோவில்பட்டி மேற்கு காவல் நிலைய போலீஸாா் வழக்குப் பதிந்து, திருட்டில் ஈடுபட்ட மா்ம நபா்களைத் தேடி வருகின்றனா்.

இதுபோல, அதே பகுதியில் பலசரக்கு கடை நடத்திவரும் ஆறுமுகம் கடையின் பூட்டை உடைத்து உள்ளே இருந்த பொருள்கள் திருடு போயிருப்பதாகவும், அதே பகுதியில் சீனிவாசன் நடத்திவரும் பலசரக்கு கடையின் பூட்டை மா்ம நபா்கள் உடைக்க முயன்ாகவும் கிடைத்த தகவலின்பேரில், போலீஸாா் விசாரித்து வருகின்றனா்.

மேலும், அதே பகுதியில் சமையல் பாத்திரங்களை வாடகைக்கு விட்டுவரும் முருகனின் இருசக்கர வாகனத்தை திருடிச் சென்ற மா்ம நபா்கள், சிறிது தூரத்தில் அதை விட்டுச் சென்ாகவும் கூறப்படுகிறது. இதுகுறித்து, போலீஸாா் விசாரணை நடத்தி வருகின்றனா்.