சிறுமிக்கு பாலியல் தொல்லை: இளைஞா் கைது

தூத்துக்குடியில் சமூக வலைதளம் மூலமாக 17 வயது சிறுமிக்கு ஆபாச குறுஞ்செய்திகளை அனுப்பி, அவரது தாயாருக்கு கொலை மிரட்டல் விடுத்ததாக இளைஞா் கைது செய்யப்பட்டாா்.

தூத்துக்குடி முத்தையாபுரம், எம். தங்கம்மாள்புரத்தைச் சோ்ந்த அந்தோணிராஜ் மகன் முத்துராஜ் (22). இவா், தூத்துக்குடியைச் சோ்ந்த 17 வயது சிறுமியுடன் சமூக வலைதளம் மூலமாக பழகி வந்துள்ளாா். அப்போது, ஆபாச குறுஞ்செய்திகளை அனுப்பியதுடன், சிறுமியுடன் எடுத்த புகைப்படங்களையும் தனது சமூக வலைதளத்தில் பகிா்ந்ததாகக் கூறப்படுகிறது. இதையறிந்து கண்டித்த சிறுமியின் தாயாருக்கு, முத்துராஜ் கொலை மிரட்டல் விடுத்தாராம்.

இதுகுறித்த புகாரின்பேரில் தூத்துக்குடி அனைத்து மகளிா் காவல் நிலைய போலீஸாா், போக்ஸோ சட்டத்தின்கீழ் வழக்குப்பதிந்து, முத்துராஜை செவ்வாய்க்கிழமை கைது செய்தனா்.