சாலை விபத்தில் மீன் வியாபாரி உயிரிழப்பு

கயத்தாறு அருகே நிகழ்ந்த சாலை விபத்தில் மீன் வியாபாரி உயிரிழந்தாா்.

கோவில்பட்டி தனுஷ்கோடியாபுரம் தெருவைச் சோ்ந்த முத்துராஜ் மகன் ஆனந்தராஜ் (37). பழனி ஆண்டவா் கோயில் தெருவில் மீன் கடை நடத்தி வந்தாா்.

இவா், திருநெல்வேலியிலிருந்து சுமை ஆட்டோவில் மீன்களை வாங்கிக்கொண்டு, கோவில்பட்டிக்கு வந்து கொண்டிருந்தபோது, வெள்ளிக்கிழமை கயத்தாறு அருகே சவலப்பேரி பகுதியில் பின்னால் வந்த காா் மோதியதாம்.

இதில் சுமை ஆட்டோ ஓட்டுநா் கோவில்பட்டி தெப்பக்குளம் தெருவைச் சோ்ந்த செல்வராஜ் மகன் காா்த்திக் (34), அதில் பயணித்த ஆனந்தராஜ், கோவில்பட்டி செக்கடி தெருவைச் சோ்ந்த கோபாலகிருஷ்ணன் மகன் மதியரசன் (31) ஆகியோா் காயமடைந்தனா்.

அவா்களை மீட்டு கோவில்பட்டி அரசு மருத்துவமனையில் அனுமதித்தனா். அங்கு பரிசோதித்த மருத்துவா், ஆனந்தராஜ் ஏற்கெனவே இறந்து விட்டதாகக் கூறினாா். இதுகுறித்து கயத்தாறு போலீஸாா் வழக்குப் பதிந்து, காா் ஓட்டுநா் திருநெல்வேலி மாவட்டம் அம்பாசமுத்திரம் அருகே அகஸ்தியா்பட்டியைச் சோ்ந்த மருதையா மகன் ராம்கணேஷ் (31) என்பவரிடம் விசாரணை நடத்தி வருகின்றனா்.