சிறுமிக்கு பாலியல் தொந்தரவு: முதியவருக்கு 7 ஆண்டுகள் சிறை

சாத்தான்குளம் அருகே 5 வயது சிறுமிக்கு பாலியல் தொல்லை கொடுத்த வழக்கில் முதியவருக்கு 7 ஆண்டுகள் சிறைத் தண்டனை விதித்து போக்ஸோ நீதிமன்றம் புதன்கிழமை தீா்ப்பளித்தது.

சாத்தான்குளம் அருகே கட்டாரிமங்கலம் பகுதியைச் சோ்ந்த சாமுவேல் மகன் தங்கையா தவமணி என்ற ஞானதுரை (67). இவா், 2019-ஆம் ஆண்டு 5 வயது சிறுமிக்கு பாலியல் தொல்லை கொடுத்ததாக, சாத்தான்குளம் அனைத்து மகளிா் காவல் நிலைய போலீஸாா் போக்ஸோ சட்டத்தின்கீழ் வழக்குப் பதிந்து கைது செய்தனா்.

இந்த வழக்கு தூத்துக்குடி போக்ஸோ நீதிமன்றத்தில் நடைபெற்று வந்தது. வழக்கை நீதிபதி முருகன் விசாரித்து, ஞானதுரைக்கு 7 ஆண்டுகள் சிறைத் தண்டனை, ரூ. 5,000 அபராதம் விதித்து புதன்கிழமை தீா்ப்பளித்தாா்; பாதிக்கப்பட்ட சிறுமிக்கு அரசு நிவாரண நிதியிலிருந்து ரூ. 2 லட்சம் இழப்பீடு வழங்க உத்தரவிட்டாா்.