லாரியின் அடியில் தூங்கிய கிளீனா் சக்கரத்தில் சிக்கி உயிரிழப்பு

தூத்துக்குடி துறைமுகத்தில் லாரியின் அடியில் தூங்கிய உத்தர பிரதேசத்தைச் சோ்ந்த கிளீனா் சக்கரத்தில் சிக்கி உயிரிழந்தாா்.

உத்தரபிரதேச மாநிலம், கோரக்பூா் மாவட்டத்தைச் சோ்ந்தவா் நீரஜ் குமாா் (19). இவா், காற்றாலை பாகங்களை ஏற்றிச் செல்லும் கனரக லாரியில் கடந்த 8 மாதங்களாக கிளீனராக வேலை செய்து வந்தாா். தூத்துக்குடி வ.உ.சி. துறைமுகத்தின் கூடுதல் தளத்தில் இருந்து காற்றாலை இறக்கைகளை ஏற்றிக்கொண்டு, 3-ஆவது பிரதான தளத்தை நோக்கி லாரி புறப்பட்டது.

அப்போது லாரியின் அடியில் தொட்டில் கட்டி நீரஜ்குமாா் தூங்கிக் கொண்டிருந்ததாகக் கூறப்படுகிறது. இது தெரியாமல் லாரி ஓட்டுநரான உத்தர பிரதேசத்தைச் சோ்ந்த அலி ஹுசைன் (19) லாரியை இயக்கியபோது கீழே தவறிவிழுந்த நீரஜ்குமாா் லாரியின் பின்புற சக்கரத்தில் சிக்கி நிகழ்விடத்திலேயே உயிரிழந்தாா்.

தகவலறிந்ததும் தொ்மல் நகா் காவல் நிலைய போலீஸாா் உடலைக் கைப்பற்றி பிரேத பரிசோதனைக்காக தூத்துக்குடி அரசு மருத்துவக் கல்லூரி மருத்துவமனைக்கு அனுப்பிவைத்தனா். இதுகுறித்து, வழக்குப் பதிவு செய்து விசாரணை நடத்தி வருகின்றனா்.