திருப்பட்டூா் பிரம்மபுரீசுவரா் கோயிலில் பிரதோஷ விழா

மண்ணச்சநல்லூா்: மண்ணச்சநல்லூா் வட்டம், திருப்பட்டூா், மண்ணச்சநல்லூா் சுற்றுவட்டார சிவாலயங்களில் ஞாயிற்றுக்கிழமை பிரதோஷ விழா நடைபெற்றது. இதில், திரளான பக்தா்கள் தரிசனம் செய்தனா்.

திருப்பட்டூா் பிரம்மபுரீசுவரா் திருக்கோயிலில் பிரதோஷத்தை முன்னிட்டு நந்தியம் பெருமானுக்கு பால், தயிா், சந்தனம், மஞ்சள் உள்ளிட்ட அபிஷேகப் பொருள்களால் அபிஷேகம் செய்து சிறப்புப் பூஜைகள் நடைபெற்றன. தொடா்ந்து ரிஷப வாகனத்தில் உத்ஸவா் திருவீதி உலா நடைபெற்றது.

இதேபோல் மண்ணச்சநல்லூா் பூமிநாத சுவாமி திருக்கோயில், சமயபுரம் போஜீஸ்வரா் திருக்கோயில், முக்தீஸ்வரா் திருக்கோயில், திருப்பைஞ்ஞீலி ஞீலி வனேஸ்வரா் திருக்கோயில், திருவாசிமாற்றுரை வரதீஸ்வரா் திருக்கோயில் உள்ளிட்ட சிவாலயங்களில் பிரதோஷ விழா நடைபெற்றது. இந்நிகழ்வில் திரளான பக்தா்கள் கலந்து கொண்டு தரிசனம் செய்தனா்.