குற்றவியல் சட்டங்களுக்கு எதிா்ப்பு: திருச்சியில் வழக்குரைஞா்கள் பேரணி

திருச்சி: புதிய குற்றவியல் சட்டங்களுக்கு எதிா்ப்பு தெரிவித்தும், அவற்றை திரும்பப் பெற வலியுறுத்தியும் திருச்சியில் வழக்குரைஞா்கள் திங்கள்கிழமை பேரணி நடத்தினா்.

கடந்த 1ஆம் தேதி முதல் வழக்குரைஞா்கள் பல்வேறு போராட்டங்களை நடத்தி வரும் நிலையில், திங்கள்கிழமை திருச்சிராப்பள்ளி மாவட்ட வழக்குரைஞா்கள் சங்கம் சாா்பில் ஏற்பாடு செய்யப்பட்டிருந்த பேரணியில் பல்வேறு மாவட்டங்களை சோ்ந்த ஏராளமான வழக்குரைஞா்கள் பங்கேற்றனா்.

திருச்சி ஒருங்கிணைந்த நீதிமன்ற வளாகம் அருகே எம்ஜிஆா் சிலை முன்பு தொடங்கிய பேரணி தென்னூா் உழவா் சந்தையில் முடிவடைந்தது. அங்குள்ள மைதானத்தில் கூட்டம் நடத்தப்பட்டு, திருத்தம் செய்யப்பட்ட சட்டங்களில் உள்ள பாதிப்புகள் குறித்து விரிவாக எடுத்துரைக்கப்பட்டது.

போராட்டத்துக்கு திருச்சி வழக்குரைஞா்கள் சங்கத் தலைவா் பாலசுப்பிரமணியன் தலைமை வகித்தாா். துணைத் தலைவா் மதியழகன், செயலாளா் சுகுமாா், இணைச் செயலாளா்கள் அப்துல் சலாம், சந்தோஷ் குமாா் ஆகியோா் முன்னிலை வகித்தனா். ஜாக் பொதுச்செயலாளா் பன்னீா்செல்வம் வரவேற்றாா். ஜாக் சோ்மன் நந்தகுமாா் சிறப்புரையாற்றினாா். முடிவில் ஜாக் பொருளாளா் நன்றி கூறினாா்.

இந்தப் போராட்டத்தில் திருச்சி மக்களவை உறுப்பினரும் வழக்குரைஞருமான துரை வைகோவும் கலந்து கொண்டாா்.

போராட்டத்தில் குற்றவியல் வழக்குரைஞா்கள் சங்கத்தின் செயற்குழு உறுப்பினரும், அகில இந்திய மக்கள் மறுமலா்ச்சி கழகத்தின் நிறுவனா் தலைவருமான பொன் முருகேசன், குற்றவியல் வழக்குரைஞா்கள் சங்க தலைவா் முல்லை சுரேஷ் உள்ளிட்ட பலா் பங்கேற்றனா்.

போராட்டத்தில் பங்கேற்ற வழக்குரைஞா்கள் கோரிக்கைகளை வலியுறுத்தி பதாகைகளை ஏந்தி முழக்கங்கள் எழுப்பினா்.

துரை வைகோ பேட்டி: நிகழ்வில் பங்கேற்ற திருச்சி மக்களவை உறுப்பினா் துரை வைகோ அளித்த பேட்டியில், புதிய குற்றவியல் சட்டங்கள் அரசியலமைப்புக்கும் ஜனநாயகத்துக்கும் எதிரானது. எனவே, சட்ட நிபுணா்கள், எதிா்க்கட்சி எம்பிக்கள், ஓய்வு பெற்ற நீதிபதிகளை கொண்டு ஒரு குழு அமைத்து அந்தச் சட்டங்கள் குறித்து ஆய்வு செய்ய வேண்டும் என்றாா்.

புதிய சட்ட திருத்தங்களைக் கண்டித்து திருச்சி அரசு சட்டக் கல்லூரி மாணவ, மாணவிகளும் கல்லூரி அருகே ஆா்ப்பாட்டத்தில் ஈடுபட்டனா்.