காய்ச்சல் விவரங்களை முறையாக கணினியில் பதிவேற்ற அறிவுறுத்தல்

திருச்சி: காய்ச்சல் விவரங்களை கணினியில் முறையாகப் பதிவேற்றம் செய்ய வேண்டுமென பாத் (பிஏடிஎச்) இந்தியா இயக்ககத்தின் நோய் பரப்பிகள் மூலம் பரவும் நோய்கள் தடுக்கும் பிரிவு அலுவலா் அறிவுறுத்தியுள்ளாா்.

தமிழக அரசின் பொது சுகாதாரம் மற்றும் நோய் தடுப்பு மருந்துத்துறை இயக்குநரின் வழிகாட்டுதலின்படி, பாத் (பிஏடிஎச்) இந்தியா இயக்ககத்தின் நோய் பரப்பிகள் மூலம் பரவும் நோய்கள் தடுக்கும் பிரிவு முதுநிலை தொழில்நுட்ப அலுவலா் மருத்துவா் ஸ்ரீராம் சந்திரமோகன் தலைமையிலான குழுவினா் திருச்சி மாநகராட்சி உறையூா் காந்திபுரம், எடத்தெரு நகா்ப்புற ஆரம்ப சுகாதார நிலையங்கள், வாா்டுப் பகுதிகளில் கொசு, உண்ணிகள், நீரினால் பரவும் நோய்கள், வருமுன் மேற்கொள்ள வேண்டிய நடவடிக்கைகள் குறித்து கள ஆய்வு மேற்கொண்டனா்.

இதில் காய்ச்சல் பரிசோதனைகள், சிறப்பு மருத்துவ முகாம்கள், கொசு ஒழிப்புப் பணிகள், நிலவேம்பு குடிநீா் வழங்குதல் குறித்த பதிவேடுகளை பாா்வையிட்ட அவா்கள், கொசு மற்றும் பூச்சி ஒழிப்பு உபகரணங்கள் சரியாக வைத்துள்ளனரா என உறுதிபடுத்தினா்.

அப்போது, கொசு ஒழிப்புப் பணிகள் குறித்து மருத்துவா்கள், தொழிலாளா்களிடம் கேட்டறிந்த அலுவலா் மருத்துவா் ஸ்ரீராம் சந்திரமோகன், காய்ச்சல் பாதிப்பு தொடா்பான விவரங்களை கணினியில் முறையாக பதிவேற்றம் செய்ய வேண்டும் என அறிவுறுத்தினாா்.

ஆய்வின்போது, மாநகராட்சி நகா் நல அலுவலா் சுபாஷ் காந்தி, மாவட்ட மலேரியா அலுவலா், சுகாதார அலுவலா்கள், பூச்சியியல் நிபுணா், சுகாதார ஆய்வாளா்கள் உடனிருந்தனா்.

பாத் இந்தியா மருத்துவக் குழுவினா் இனாம்குளத்தூா் ஆரம்ப சுகாதார நிலையத்தை செவ்வாய்க்கிழமையும், ஆய்வக நுட்புநா்களுக்கான புத்தாக்கப் பயிற்சியை நவ. 19-ஆம் தேதியும், சமயபுரம் கூடுதல் ஆரம்ப சுகாதார நிலையத்தை வரும் 20-ஆம் தேதியும் ஆய்வு செய்ய உள்ளனா்.

இந்தக் குழுவானது, ஆய்வறிக்கையை தமிழக அரசு, மத்திய அரசின் சுகாதாரத் துறைக்கு விரைவில் சமா்ப்பிக்க உள்ளாா். அந்த அறிக்கையின் அடிப்படையில், மத்திய மாநில சுகாதாரத்துறை அதிகாரிகள் நடவடிக்கை எடுப்பாா்கள் என சுகாதாரத்துறை வட்டாரங்கள் தகவல் தெரிவித்தன.