அரியலூர் அருகே சுகாதாரமான குடிநீர் கோரி சாலை மறியல்

அரியலூர் அருகே உள்ள மருதூர் கிராமத்தில் ஆழ்துளைக் கிணறு மூலம் குடிநீர் விநியோகம் செய்யப்பட்டு வருகின்றது. இந்நிலையில் கடந்த சில வாரங்களாக குடிநீரில் கழிவுநீர் நீர் கலந்து வருவது குறித்து ஊராட்சித் தலைவரிடம் பல முறை புகார் செய்தும் எவ்வித நடவடிக்கையும் எடுக்கப்படவில்லை எனக் கூறப்படுகிறது. இதனால், ஆத்திரமடைந்த கிராம மக்கள் காலிக்குடங்களுடன் ஜயங்கொண்டம் சாலையில் மறியலில் ஈடுபட்டனர். சம்பவ இடத்திற்கு வந்த போலீஸார் மற்றும் வருவாய்த்துறை அதிகாரிகள் உரிய நடவடிக்கை எடுக்கப்படும் என உறுதியளித்ததன் பேரில் மறியல் போராட்டத்தை கைவிட்டு கலைந்து சென்றனர். சாலை மறியல் போராட்டம் சுமார் ஒரு மணி நேரம் நீடித்தது.