முதியவரை தாக்கியவர் கைது

அரியலூர் மாவட்டம்,ஜயங்கொண்டம் அருகே உள்ள அய்யப்பன்நாயக்கன் பேட்டை கிராமத்தைச் சேர்ந்த ஜெகதீசன் (65). இவர், வியாழக்கிழமை கோயில்வாழ்க்கை கிராமம் அருகே உள்ள ஏரிக்கரையில் அமர்ந்து மது அருந்திக் கொண்டிருந்தாராம். அப்போது, அங்கு வந்த அய்யப்பநாயக்கன் பேட்டையைச் சேர்ந்த சாமி நாதன் மகன் தவ சீலன் (48) தனக்கும் மது வாங்கித்  தறுமாறு கேட்டாராம். இதற்கு மறுப்பு தெரிவித்த ஜெகதீசனை ஆத்திரமடைந்த தவசீலன் அருகிலிருந்த மரச்சட்டத்தால் தாக்கினாராம். இதில், காயமடைந்த அவர் ஜயங்கொண்டம் அரசு மருத்துவமனையில் சிகிச்சை பெற்று வருகிறார். இதுகுறித்து ஜெகதீசன் மீன்சுருட்டி காவல் நிலையத்தில் அளித்த புகாரின் பேரில் காவல் உதவி ஆய்வாளர் குணசேகரன் வழக்குப்பதிந்து தவசீலனை கைது செய்து விசாரிக்கின்றார்.